પાકિસ્તાનના ભૂતપૂર્વ ફાસ્ટ બોલર શોએબ અખ્તરના નામે વિશ્વ ક્રિકેટમાં સૌથી ઝડપી બોલ ફેંકવાનો રેકોર્ડ છે. 2003ના વર્લ્ડ કપમાં આ બોલરે ઈંગ્લેન્ડ સામે 161.3 કિમી પ્રતિ કલાકની ઝડપે બોલ ફેંક્યો હતો.
વધુ ઝડપે બોલિંગ કરવા માટે કાં તો બોલરે તેની સંપૂર્ણ તાકાત લગાવવી પડશે અથવા તો ટેકનિકલ ખામીને કારણે આ રેકોર્ડને પછાડી શકાય છે. આવું જ કંઈક ભારત અને આયર્લેન્ડ વચ્ચે રમાયેલી પ્રથમ T20 મેચ દરમિયાન થયું હતું. ભુવનેશ્વર કુમારે 200 કિમી પ્રતિ કલાકથી વધુની ઝડપે એક નહીં પરંતુ બે બોલ ફેંક્યા. જોકે, ટેકનિકલ મુશ્કેલીઓના કારણે આ રેકોર્ડ માન્ય રહેશે નહીં.
હા, ઇનિંગ્સની પ્રથમ ઓવરનો બીજો બોલ 201 KMPHની ઝડપે નોંધાયો હતો જ્યારે ત્રીજો બોલ 208 KMPHની ઝડપે નોંધાયો હતો. ટીવી પર સ્પીડ ગન દ્વારા બતાવવામાં આવેલ આ દ્રશ્ય જોઈને બધા ચોંકી ગયા હતા. ટેક્નિકલ ખામીના કારણે ફેન્સે સોશિયલ મીડિયા પર તેની મજાક ઉડાવી હતી. એક પ્રશંસકે તો ત્યાં સુધી કહ્યું કે જો હસન અલી 219 કિમી પ્રતિ કલાકની ઝડપે બોલિંગ કરી શકે છે તો ભુવનેશ્વર કુમાર 201 કિમી પ્રતિ કલાકની ઝડપે બોલિંગ કેમ ન કરી શકે.
મેચની વાત કરીએ તો વરસાદના વિક્ષેપને કારણે મેચ મોડી શરૂ થઈ હતી. 12-12 ઓવરની આ મેચમાં ટીમ ઈન્ડિયાએ ટોસ જીતીને પ્રથમ બોલિંગ કરવાનો નિર્ણય કર્યો હતો. યજમાન ટીમ માટે ટેક્ટરે 33 બોલમાં 6 ચોગ્ગા અને 3 છગ્ગાની મદદથી 64 રનની અણનમ ઇનિંગ રમી હતી. તેની ઇનિંગ્સના આધારે જ આયર્લેન્ડે ભારત સામે 109 રનનો લક્ષ્યાંક આપ્યો હતો.
આ સ્કોરનો પીછો કરતા ઈશાન કિશને 11 બોલમાં 26 રન ફટકારીને ટીમ ઈન્ડિયાને મજબૂત શરૂઆત અપાવી હતી. ક્રેગ યંગે તેને બોલ્ડ કરીને પેવેલિયનનો રસ્તો બતાવ્યો હતો. આ પછી બેટિંગ કરવા આવેલા સૂર્યકુમાર યાદવ બીજા જ બોલ પર એલબીડબલ્યુ આઉટ થઈ ગયો અને ભારતને બે બેક ટૂ બેક બ્લો આપ્યા. જો કે, આ પછી દીપક હુડ્ડાએ 29 બોલમાં 47 અને હાર્દિક પંડ્યાએ 12 બોલમાં 24 રન ફટકારીને ટીમને જીતની નજીક પહોંચાડી હતી.
જીતના 15 રને પહેલા હાર્દિક પંડ્યા જોશુઆ લિટલની બોલ પર LBW આઉટ થયો હતો. દીપક હુડા સિવાય દિનેશ કાર્તિક અણનમ 4 રન બનાવી પેવેલિયન પરત ફર્યો હતો. ભારતની આગામી મેચ આ મેદાન પર 28 જૂને છે.
If Hasan Ali can bowl at 219 KMPH
Why can't Bhuvneshwar Kumar bowl at 201 KMPH #IREvIND pic.twitter.com/0YNfxvOAM5
— Abhijeet ♞ (@TheYorkerBall) June 26, 2022