અફઘાનિસ્તાન T20 વર્લ્ડ કપ ટીમમાં આઠ IPL 2024 ખેલાડીઓ, જુઓ ટીમ

T20 વર્લ્ડ કપ માટે રાશિદ ખાનના નેતૃત્વમાં 15 સભ્યોની અફઘાનિસ્તાન ટીમની જાહેરાત કરવામાં આવી છે. જે 15 ખેલાડીઓની પસંદગી કરવામાં આવી છે તેમાંથી 8 ખેલાડીઓ હાલમાં કેટલીક IPL ટીમનો ભાગ છે.

અફઘાનિસ્તાન ટીમમાં માત્ર ચાર બેટ્સમેનોનો સમાવેશ કરવામાં આવ્યો છે, જેમાં રહેમાનુલ્લાહ ગુરબાઝ, ઈબ્રાહિમ ઝદરાન, નજીબુલ્લાહ ઝદરાન અને બેકઅપ વિકેટકીપર મોહમ્મદ ઈશાકનું નામ સામેલ છે. જો કે છ ઓલરાઉન્ડરોને ટીમમાં અઝમતુલ્લા ઓમરઝાઈ, મોહમ્મદ નબી, ગુલબદ્દીન નાયબ, કરીમ જનાત અને નાંગેલિયા ખરોટેના રૂપમાં સામેલ કરવામાં આવ્યા છે.

નૂર, જનાત અને ઈશાક માટે આ પહેલો T20 વર્લ્ડ કપ હશે. આ પહેલા તેણે અંડર-19 વર્લ્ડ કપમાં ભાગ લીધો હતો. ODI વર્લ્ડ કપ 2023માં ટીમના કેપ્ટન રહેલા હશમતુલ્લાહ શાહિદીને ટીમમાં સ્થાન આપવામાં આવ્યું નથી.

તેના સિવાય હઝરતુલ્લા ઝાઝાઈ પણ 15 સભ્યોની ટીમમાં નથી. તેને ટીમમાં રિઝર્વ તરીકે સામેલ કરવામાં આવ્યો છે. તેમના સિવાય સાદીકુલ્લાહ અટલ અને મોહમ્મદ સલીમ પણ રિઝર્વ ખેલાડી તરીકે ટીમ સાથે જોડાશે.

20 ટીમોની આ ટુર્નામેન્ટમાં અફઘાનિસ્તાન ગ્રુપ સીમાં છે. તેમના જૂથમાં ન્યુઝીલેન્ડ અને સહ-યજમાન વેસ્ટ ઈન્ડિઝનો પણ સમાવેશ થાય છે. તેઓ તેમની પ્રથમ મેચ 3 જૂને યુગાન્ડા સાથે રમશે.