આજથી પાકિસ્તાન અને ઈંગ્લેન્ડ વચ્ચે T20 જંગ, આ ચેનેલ પર જોઈએ શકાશે

પાકિસ્તાન અને ઈંગ્લેન્ડની ક્રિકેટ ટીમ વચ્ચે આજથી T20 સિરીઝ શરૂ થઈ રહી છે. સાત મેચોની લાંબી શ્રેણીની પ્રથમ મેચ આજે રમાશે.

પાકિસ્તાનની કમાન બાબર આઝમના હાથમાં છે, જ્યારે જોસ બટલર ઈંગ્લેન્ડનું નેતૃત્વ કરશે. ઈંગ્લેન્ડની ટીમ 17 વર્ષ બાદ પાકિસ્તાનના પ્રવાસે છે, તેથી તેઓ અહીં જીત સાથે શરૂઆત કરવા ઈચ્છશે. બીજી તરફ એશિયા કપની ફાઇનલમાં શ્રીલંકા સામે હાર્યા બાદ પાકિસ્તાનની ટીમ જીતના પાટા પર પરત ફરવા માંગશે. આવી સ્થિતિમાં અહીં બંને ટીમો વચ્ચે જોરદાર ટક્કર થવાની આશા છે. આવો જાણીએ મેચના પ્રસારણ સંબંધિત તમામ મહત્વની માહિતી.

પાકિસ્તાન અને ઈંગ્લેન્ડ વચ્ચે પ્રથમ T20 મેચ ક્યારે રમાશે?
– બંને ટીમો વચ્ચે આજે (20 સપ્ટેમ્બર) પ્રથમ T20 મેચ રમાશે.

આ મેચ ક્યાં રમાશે?
– બંને ટીમો વચ્ચેની મેચ કરાચીના નેશનલ સ્ટેડિયમમાં રમાશે.

મેચ કેટલા વાગ્યે શરૂ થશે?
– ભારતીય સમય અનુસાર આ મેચનો ટોસ સાંજે 7:30 વાગ્યે ફેંકવામાં આવશે અને મેચનો પ્રથમ બોલ રાત્રે 8 વાગ્યે ફેંકવામાં આવશે.

મેચ કઈ ચેનલ પર જોઈ શકાશે?
– પાકિસ્તાન અને ઈંગ્લેન્ડ વચ્ચેની આ શ્રેણીના પ્રસારણ અધિકાર સોની સ્પોર્ટ્સ નેટવર્ક પાસે છે. આવી સ્થિતિમાં સોની સ્પોર્ટ્સ ચેનલ પર તમામ મેચ જોઈ શકાશે.