હાર્દિક પંડ્યા T20 આંતરરાષ્ટ્રીય ક્રિકેટમાં અડધી સદી ફટકારનાર બીજો સૌથી ઝડપી ભારતીય ખેલાડી બન્યો છે. પંડ્યાએ નરેન્દ્ર મોદી સ્ટેડિયમ ખાતે દક્ષિણ આફ્રિકા સામે ચાલી રહેલી પાંચમી T20 મેચમાં આ સિદ્ધિ મેળવી હતી. પંડ્યાએ માત્ર 16 બોલમાં પોતાની અડધી સદી પૂરી કરી હતી.
હાર્દિકે, ૨૫ બોલમાં ૬૩ રન બનાવ્યા, જેમાં પાંચ છગ્ગા અને એટલા જ ચોગ્ગાનો સમાવેશ થાય છે. તેણે અને તિલક વર્માએ ચોથી વિકેટ માટે ૪૪ બોલમાં ૧૦૫ રન ઉમેર્યા, જેનાથી ભારતનો સ્કોર ૨૩૧/૫ થયો.
યુવરાજ સિંહ T20 આંતરરાષ્ટ્રીય ક્રિકેટમાં સૌથી ઝડપી અડધી સદી ફટકારનાર ભારતીયોની યાદીમાં ટોચ પર છે, તેણે 2007 T20 વર્લ્ડ કપમાં ઇંગ્લેન્ડ સામે 12 બોલમાં આ સિદ્ધિ હાંસલ કરી હતી, જ્યારે અભિષેક શર્માએ આ વર્ષની શરૂઆતમાં વાનખેડે સ્ટેડિયમમાં ઇંગ્લેન્ડ સામે 17 બોલમાં અડધી સદી ફટકારી હતી.
કેએલ રાહુલ આ યાદીમાં ચોથા ક્રમે છે, તેણે 2021માં દુબઈમાં સ્કોટલેન્ડ સામે 18 બોલમાં આ સિદ્ધિ હાંસલ કરી હતી. સૂર્યકુમાર યાદવે 2022માં દક્ષિણ આફ્રિકા સામે 18 બોલમાં અડધી સદી પણ ફટકારી હતી.
Fastest fifty by an Indian in T20is:
Yuvraj Singh – 12 balls.
Hardik Pandya – 16 balls. pic.twitter.com/TaYMTTP7tk
— Mufaddal Vohra (@mufaddal_vohra) December 19, 2025