ટી 20 વર્લ્ડકપ પહેલા ભારતના કેપ્ટન વિરાટ કોહલીએ આઈસીસી ટી 20 રેન્કિંગમાં છલાંગ લગાવી છે. આઈસીસી દ્વારા જારી કરવામાં આવેલી અપડેટ કરેલી ટી 20 રેન્કિંગમાં કેપ્ટન વિરાટ કોહલીએ એક સ્થાનનો ફાયદો મેળવીને ટોપ 10 માં ચોથા સ્થાને પહોંચી ગયો છે.
1 સપ્ટેમ્બર સુધી કેપ્ટન કોહલી 717 પોઈન્ટ સાથે પાંચમા સ્થાને હતો. ન્યૂઝીલેન્ડના બેટ્સમેન ડેવોન કોનવે એક સ્થાન સરકી ગયા બાદ હવે તેને પાંચમા સ્થાનેથી ચોથા સ્થાને આવી ગયો છે. 1 સપ્ટેમ્બર રેન્કિંગમાં કોનવે 759 પોઇન્ટ સાથે બીજા ક્રમે હતો. આ પછી, તેની રેન્કિંગમાં સતત ઘટાડો થયો અને તે 700 પોઇન્ટ સાથે પાંચમા સ્થાને પહોંચી ગયો.
બેટ્સમેનોની રેન્કિંગમાં દક્ષિણ આફ્રિકાના તોફાની બેટ્સમેન ક્વિન્ટન ડી કોકને 4 સ્થાનનો ફાયદો થયો છે. ડી કોક 671 પોઈન્ટ સાથે આઠમા સ્થાને પહોંચી ગયો છે. અગાઉ, તે 12 મા ક્રમે હતો અને ટોપ 10 ની યાદીમાંથી બહાર ચાલી રહ્યો હતો. શ્રીલંકા સામે તેની મેચ વિનિંગ ઇનિંગ્સથી તેને રેન્કિંગ ફાયદો મળ્યો.
બ્લેકકેપ્સના કેપ્ટન ટોમ લેથમ અને ફિન એલેને બાંગ્લાદેશ અને ન્યુઝીલેન્ડ વચ્ચેની ટી -20 સિરીઝ પૂર્ણ થયા બાદ રેન્કિંગમાં કારકિર્દીની ઉચ્ચ રેન્કિંગ હાંસલ કરી છે. બંને અનુક્રમે 44 મા અને 66 મા સ્થાને પહોંચ્યા છે.
બીજી બાજુ ક્વિન્ટન ડી કોક શ્રીલંકા સામે દક્ષિણ આફ્રિકાની 3-0થી જીતમાં ટોચનો બેટ્સમેન સાબિત થયો હતો. તેણે શ્રેણીમાં સૌથી વધુ રન બનાવ્યા હતા. તેના સાથી ઓપનર રીઝા હેન્ડ્રિક્સ બેટિંગ ચાર્ટમાં આવ્યા અને ટોપ 20 માં સ્થાન મેળવ્યું.