ન્યૂયોર્કમાં ખાલી પડેલી જમીન પર ભારત-પાકિસ્તાનની મેચ રમાશે? જુઓ વીડિયો

ભારત અને પાકિસ્તાન વચ્ચેની મેચની ચાહકો આતુરતાથી રાહ જોઈ રહ્યા છે. ક્રિકેટ ચાહકોને ટૂંક સમયમાં એક શાનદાર ક્રિકેટ મેચ જોવા મળશે. T20 વર્લ્ડ કપ 2024માં બંને ટીમો આમને-સામને થશે.

આ ટુર્નામેન્ટનું શિડ્યુલ જાહેર કરવામાં આવ્યું છે. આગામી T20 વર્લ્ડ કપમાં ભારતની કમાન રોહિત શર્મા સંભાળશે અને પાકિસ્તાનની કમાન શાહીન આફ્રિદી સંભાળશે. ભારત અને પાકિસ્તાન વચ્ચેની આ મેચ ન્યૂયોર્કના નાસાઉ કાઉન્ટી ઈન્ટરનેશનલ ક્રિકેટ સ્ટેડિયમમાં રમાશે, જેનું નિર્માણ ઝડપથી ચાલી રહ્યું છે. આ ટુર્નામેન્ટ 1 જૂનથી શરૂ થશે. તેનું હોસ્ટિંગ વેસ્ટ ઈન્ડિઝ અને અમેરિકાને સોંપવામાં આવ્યું છે.

આઈસીસીએ કહ્યું કે ભારત અને પાકિસ્તાન વચ્ચેની બહુપ્રતીક્ષિત મેચ સહિત આઠ મેચ 34,000 ક્ષમતાવાળા નાસાઉ કાઉન્ટી ઈન્ટરનેશનલ ક્રિકેટ સ્ટેડિયમમાં રમાશે. ગ્રુપ સ્ટેજ દરમિયાન ભારતીય ટીમ આ જ મેદાન પર આયર્લેન્ડ અને યજમાન અમેરિકા સામે પણ રમતા જોવા મળશે.

ICC ઈવેન્ટ્સ હેડ ક્રિસ ટેટલીએ સ્ટેડિયમની પ્રગતિ પર આનંદ વ્યક્ત કર્યો. તેણે કહ્યું, “ન્યુયોર્કમાં નાસાઉ કાઉન્ટી ઈન્ટરનેશનલ ક્રિકેટ સ્ટેડિયમના નિર્માણ પર છેલ્લા એક મહિનામાં થયેલી પ્રગતિ જોઈને તે રોમાંચક છે. આઉટફિલ્ડ પર કામ જાન્યુઆરીમાં શરૂ થયું હતું અને ઈસ્ટ સ્ટેન્ડનું માળખું છેલ્લા કેટલાક સમયથી ખરેખર મજબૂત બન્યું છે.”