ભારતીય ટીમ હાલમાં શ્રીલંકા સામે ટી20 સીરીઝ રમવામાં વ્યસ્ત છે. શ્રેણીની પ્રથમ મેચ લખનૌમાં રમાઈ હતી, જેમાં ભારતીય ટીમે 62 રનથી શાનદાર જીત નોંધાવી હતી. આ મેચમાં ભારતીય સ્પિન બોલર યુઝવેન્દ્ર ચહલે અજાયબીઓ કરી હતી અને તે T20 ઈન્ટરનેશનલમાં ભારત માટે સૌથી વધુ વિકેટ લેનાર બોલર પણ બન્યો હતો.
T20 ઈન્ટરનેશનલમાં ભારત તરફથી સૌથી વધુ વિકેટ લેનારા ટોપ-3 બોલર્સ:
યુઝવેન્દ્ર ચહલ:
ભારતનો લેગ સ્પિનર બોલર યુઝવેન્દ્ર ચહલ T20માં સૌથી સફળ બોલર બની ગયો છે. તેણે 53 T20 મેચમાં 67 વિકેટ લીધી છે.
જસપ્રીત બુમરાહ:
જસપ્રીત બુમરાહ આ યાદીમાં બીજા ક્રમે છે. જસપ્રીત બુમરાહે અત્યાર સુધી 55 ટી20 મેચ રમી છે, જેમાં તેણે 66 વિકેટ લીધી છે.
રવિચંદ્રન અશ્વિન:
ભારતીય દિગ્ગજ સ્પિન બોલર રવિચંદ્રન અશ્વિન આ યાદીમાં ત્રીજા સ્થાને છે, જેણે અત્યાર સુધી T20 ઈન્ટરનેશનલમાં 61 વિકેટ ઝડપી છે.