ICC T20 વર્લ્ડ કપ 2022ના સુપર-12માં ટીમ ઈન્ડિયા પોતાની પાંચમાંથી ચાર મેચ જીતીને સેમિફાઈનલમાં પહોંચી છે. રોહિત શર્માની કપ્તાનીમાં ટીમ ઈન્ડિયાનું પ્રદર્શન સુપર-12 તબક્કામાં સારું રહ્યું હતું, પરંતુ સેમિફાઈનલમાં ઈંગ્લેન્ડે જે રીતે ભારતને 10 વિકેટે ધોઈ નાખ્યું હતું, તે ભારતીય ક્રિકેટરો અને ક્રિકેટ ચાહકો વર્ષો સુધી દર્દ ભૂલી શકશે નહીં.
કેપ્ટન રોહિત શર્મા ડગઆઉટમાં રડ્યો હતો, ત્યારબાદ મુખ્ય કોચ રાહુલ દ્રવિડ તેને શાંત કરતા જોવા મળ્યા હતા. રોહિત માત્ર ડગઆઉટમાં જ નહીં પરંતુ ડ્રેસિંગ રૂમમાં પણ રડ્યો હતો.
ઈન્ડિયન એક્સપ્રેસના સમાચાર અનુસાર, ટીમ ઈન્ડિયાની હાર બાદ જ્યારે તમામ ખેલાડીઓને ડ્રેસિંગ રૂમમાં બોલાવવામાં આવ્યા ત્યારે પહેલા હેડ કોચ રાહુલ દ્રવિડે ભાષણ આપ્યું, ત્યારબાદ કેપ્ટન રોહિત શર્મા બોલતાની સાથે જ રડવા લાગ્યો. રોહિતે તમામ ખેલાડીઓ અને સપોર્ટ સ્ટાફનો આભાર માન્યો હતો. આ દરમિયાન રોહિત ખૂબ જ ભાવુક જોવા મળ્યો હતો અને ટીમના બાકીના ખેલાડીઓએ તેને શાંત પાડ્યો હતો.
રોહિત કદાચ જાણે છે કે આ તેનો છેલ્લો ICC T20 વર્લ્ડ કપ હોઈ શકે છે. ભારતે આગામી ટી20 વર્લ્ડ કપ 2024માં રમવાનો છે. રોહિત શર્મા 2007થી અત્યાર સુધી ટીમ ઈન્ડિયાનો ભાગ છે. 2007માં મહેન્દ્ર સિંહ ધોનીની કપ્તાનીમાં ભારતે T20 વર્લ્ડ કપ જીત્યો હતો.