જૂન 2024માં અમેરિકા-વેસ્ટ ઈન્ડિઝની ધરતી પર રમાનારા T20 વર્લ્ડ કપને લઈને મોટા સમાચાર આવી રહ્યા છે. ભારતીય ટીમનો ફાસ્ટ બોલર મોહમ્મદ શમી વર્લ્ડ કપ ટૂર્નામેન્ટમાંથી બહાર થઈ ગયો છે.
છેલ્લા ODI વર્લ્ડ કપમાં ભારત માટે શાનદાર બોલિંગ કરનાર મોહમ્મદ શમી T20 વર્લ્ડ કપની શરૂઆત પહેલા જ ટૂર્નામેન્ટમાંથી બહાર થઈ ગયો છે. આ માહિતી BCCI સેક્રેટરી જય શાહે આપી હતી. તેણે જણાવ્યું કે શમીએ હાલમાં જ પગની ઘૂંટીની ઈજા માટે સર્જરી કરાવી છે. જેમાં ધીમે ધીમે સુધારો થઈ રહ્યો છે. પરંતુ તેના માટે વર્લ્ડ કપ સુધી સંપૂર્ણ રીતે ફિટ રહેવું મુશ્કેલ છે. શમી વિશે એવી અપેક્ષા રાખવામાં આવે છે કે તે બાંગ્લાદેશ સાથેની આગામી ઘરઆંગણે સિરીઝ સુધી ફિટ થઈ જશે.
શમી વિશે જય શાહે એમ પણ કહ્યું કે પગની આ સર્જરીના કારણે તે તાજેતરની ઈંગ્લેન્ડ ટેસ્ટ શ્રેણીનો ભાગ નહોતો. શારીરિક રીતે અનફિટ હોવાને કારણે કેએલ રાહુલ ઈંગ્લેન્ડ સામેની ટેસ્ટમાંથી બહાર થઈ ગયો હતો. જોકે, રાહુલ હાલમાં નેશનલ ક્રિકેટ એકેડમીમાં ટ્રેનિંગ લઈ રહ્યો છે.
પગની સર્જરીના કારણે શમી આગામી IPLમાંથી પણ બહાર છે. ગુજરાત જાયન્ટ્સ તરફથી રમનાર શમી આ સિઝનમાં રમી શકશે નહીં. શમી વિશે, એવી અપેક્ષા રાખવામાં આવે છે કે તે સપ્ટેમ્બર 2024માં બાંગ્લાદેશ સામેની 2 ટેસ્ટ અને 3 T20 ઘરેલું શ્રેણીમાં પુનરાગમન કરશે.