ભારતીય ક્રિકેટ કંટ્રોલ બોર્ડે જાહેરાત કરી કે ભારતીય ક્રિકેટ ટીમ 17 ઓક્ટોબરથી સંયુક્ત આરબ અમીરાત અને ઓમાનમાં યોજાનારા મેન્સ ટી-20 વર્લ્ડ કપ પહેલા નવી જર્સીમાં દેખાશે. જોક તે 13 ઓક્ટોબરના રોજ બહાર આવશે. BCCI એ તેના સત્તાવાર ટ્વિટર હેન્ડલ પર ટ્વિટ કરીને આ માહિતી આપી હતી.
બીસીસીઆઈએ ટ્વિટ કરીને લખ્યું કે જે ક્ષણની આપણે રાહ જોઈ રહ્યા છીએ. તે 13 ઓક્ટોબરે જાહેર થશે. શું તમે તેની રાહ જોઈ રહ્યા છો? ભારતીય ટીમની નવી જર્સી એમપીએલ સ્પોર્ટ્સ દ્વારા લોન્ચ કરવામાં આવશે, જે ટીમના સત્તાવાર કીટ સ્પોન્સર છે. MPL ડિસેમ્બર 2023 સુધી ભારતીય ટીમના કિટ સ્પોન્સર છે.
આ નવી જર્સી ટી-20 વર્લ્ડ કપ માટે લોન્ચ કરવામાં આવશે. નવી જર્સી ભારતીય ટીમની હાલની રેટ્રો જર્સીને બદલશે. ઓસ્ટ્રેલિયા પ્રવાસ પર ભારતીય ટીમે પહેલી વખત આ જર્સી પહેરી હતી. કારણ કે 1992માં ઓસ્ટ્રેલિયામાં રમાયેલા વર્લ્ડ કપમાં ભારતીય ટીમે આ જ જર્સી પહેરી હતી. આ જર્સી એ જ યાદગાર બનાવવા માટે લોન્ચ કરવામાં આવી હતી.
The moment we’ve all been waiting for!
Join us for the big reveal on 13th October only on @mpl_sport. 🇮🇳
Are you excited? 🥳 pic.twitter.com/j4jqXHvnQU
— BCCI (@BCCI) October 8, 2021
ભારતીય ટીમ 18 ઓક્ટોબરે ઇંગ્લેન્ડ સામે વર્લ્ડ કપની પ્રેક્ટિસ મેચ દરમિયાન પ્રથમ વખત આ નવી જર્સી પહેરશે. તે જ સમયે, સત્તાવાર મેચમાં પ્રથમ વખત ભારતીય ટીમ 24 ઓક્ટોબરે વર્લ્ડ કપની પોતાની પ્રથમ મેચમાં કટ્ટર હરીફ ટીમ પાકિસ્તાન સામે નવી જર્સી પહેરશે.