સુકાની નિકોલસ પૂરન (74)ની તોફાની ઇનિંગ્સ અને કાઇલ મેયર્સ (55)ની શાનદાર અડધી સદીના કારણે વેસ્ટ ઇન્ડિઝે ગયાનાના પ્રોવિડન્સ સ્ટેડિયમમાં રમાયેલી ત્રીજી T20 મેચમાં બાંગ્લાદેશને પાંચ વિકેટે હરાવ્યું હતું.
શ્રેણીની પ્રથમ મેચ વરસાદના કારણે ધોવાઈ ગઈ હતી. આ પછી વિન્ડીઝે બાકીની બે મેચ જીતીને શ્રેણી 2-0થી જીતી લીધી હતી. ટોસ જીતીને પ્રથમ બેટિંગ કરતા બાંગ્લાદેશે 163 રન બનાવ્યા હતા જે વેસ્ટ ઈન્ડિઝે 5 વિકેટના નુકસાને હાંસલ કર્યા હતા.
બાંગ્લાદેશ માટે ઇનિંગ્સની શરૂઆત કરવા આવેલા લિટન દાસે 41 બોલમાં ત્રણ ચોગ્ગા અને બે છગ્ગા સાથે ટીમને મજબૂત શરૂઆત અપાવી હતી. આ પછી અનામુલ હક (10) અને શાકિબ અલ હસન (5) વહેલા આઉટ થયા હતા. જોકે, આફિફ હુસૈને લિટનને સપોર્ટ કરતા 50 રનની ઇનિંગ રમી હતી. અફિફે 38 બોલમાં બે ચોગ્ગા અને બે છગ્ગા ફટકાર્યા હતા. તે જ સમયે, કેપ્ટન મહમુદુલ્લાહ રિયાદે 22 અને મોસાદ્દેક હુસૈને 10 રન બનાવ્યા હતા. વેસ્ટ ઈન્ડિઝ માટે હેડન વોલ્શે તેની ચાર ઓવરમાં 25 રન આપીને બે વિકેટ લીધી હતી જ્યારે રોમારિયો શેફર્ડ અને ઓડિયન સ્મિથે એક-એક વિકેટ લીધી હતી.
At the toss @nicholas_47 told @DarenGanga he loves playing in
- He showed why…
Registered his highest T20I score in his unbeaten knock
How good was the #MenInMaroon skipper today !#MaroonMagic #NickyP #WIvBAN pic.twitter.com/8fkWqsjNOi
— Windies Cricket (@windiescricket) July 7, 2022
164 રનના ટાર્ગેટનો પીછો કરતા વેસ્ટ ઈન્ડિઝે ઝડપથી બ્રેન્ડન કિંગ (7), શમર બ્રુક્સ (12) અને ઓડિયન સ્મિથ (2)ની વિકેટ ગુમાવી દીધી હતી. 43 રનમાં ત્રણ વિકેટ પડી ગયા બાદ કેપ્ટન પૂરન અને મેયર્સે વિન્ડીઝના દાવની કમાન સંભાળી અને 85 રનની ભાગીદારી કરી. મેયર્સે 38 બોલમાં બે ચોગ્ગા અને પાંચ છગ્ગાની મદદથી 55 રન બનાવ્યા હતા જ્યારે પૂરન 39 બોલમાં પાંચ ચોગ્ગા અને પાંચ છગ્ગાની મદદથી 74 રન બનાવી અણનમ રહ્યો હતો. પૂરનને મેન ઓફ ધ મેચ અને મેન ઓફ ધ સિરીઝનો એવોર્ડ આપવામાં આવ્યો હતો.