લાંબા સમય બાદ ચહલ ટીવીની વાપસી બીસીસીઆઈની વેબસાઈટ પર જોવા મળી રહી છે. સ્પિનર યુઝવેન્દ્ર ચહલ ફરી એકવાર માઈક સંભાળતો જોવા મળ્યો. આયર્લેન્ડ વિરૂદ્ધ પ્રથમ T20 ઈન્ટરનેશનલ મેચ જીત્યા બાદ ટીમ ઈન્ડિયાના લેગ સ્પિનર યુઝવેન્દ્ર ચહલે એવા ખેલાડી સાથે વાત કરી જે બેટિંગમાં ટીમ માટે હીરો હતો.
દીપક હુડ્ડા પ્રથમ વખત ઓપનિંગ કરવા માટે બહાર આવ્યા હતો. IPLમાં પણ તે ક્યારેય ઓપનિંગ કરવા ગયો નહોતો. આવી સ્થિતિમાં, તેણે ચહલ ટીવી પર તેના મનમાં શું ચાલી રહ્યું છે તે વિશે વાત કરી. ડબલિન ટી20 મેચમાં 29 બોલમાં 47 રન બનાવનાર દીપક હુડ્ડાએ કહ્યું, “હા, અલબત્ત હું નર્વસ હતો, પરંતુ તમારે એ પણ જાણવું જોઈએ કે જીવનમાં પડકારો આવશે. તેથી જ હું પડકારનો સામનો કરી રહ્યો હતો.”
તેણે વધુમાં ઉમેર્યું, “જો તમે ક્રિકેટ રમી રહ્યા છો, તો તમને પડકારો મળશે. ઈશાને જે પ્રકારની શરૂઆત કરી તેનાથી મને થોડા બોલ રમવાની તક મળી. મેં તેનો આનંદ માણ્યો. આઈપીએલની જેમ મારે કેટલીક વખત બીજી કે ત્રીજી ઓવર પણ કરવી પડે છે. મારે આવવું હતું, તેથી હું તેના માટે તૈયાર હતો.”
હાર્દિક પંડ્યા સાથેની ભાગીદારી અંગે દીપકે કહ્યું, “હાર્દિક સાથે મારી ભાગીદારી સારી હતી. તે સમયે વિકેટ સારી હતી. ઝડપી ભાગીદારી હતી, જે અમને રમતમાં આગળ લઈ ગઈ હતી.”.
View this post on Instagram