બુધવારે રાજસ્થાન રોયલ્સ (RR) સામે દિલ્હી કેપિટલ્સ (DC) ની 8 વિકેટની જીત દરમિયાન કેપ્ટન ઋષભ પંતે T20 ક્રિકેટમાં 4000 રન પૂરા કર્યા.
મિચેલ માર્શના આઉટ થયા બાદ ઋષભ પંતે લેગ-સ્પિનર યુઝવેન્દ્ર ચહલની ઓવરમાં બે સિક્સર ફટકારી હતી, જેમાં તે ચાર બોલમાં 13 રન બનાવીને અણનમ રહ્યો હતો.
ફ્રેન્ચાઇઝીએ તેના સત્તાવાર ટ્વિટર હેન્ડલ પર લખ્યું, ‘T20 લીગમાં 4000 રન પૂરા કરવા બદલ પંતને અભિનંદન.’ તેણે 154 T20 મેચોમાં 33.09ની એવરેજ અને 146.55ની સ્ટ્રાઈક રેટથી 4004 રન પૂરા કર્યા, જેમાં બે સદી અને 22 અડધી સદી સામેલ છે.
આ પહેલા મિચેલ માર્શે 62 બોલમાં 89 રન બનાવ્યા હતા અને ઓપનર ડેવિડ વોર્નર સાથે ઈનિંગને આગળ ધપાવી હતી. વોર્નર 41 બોલમાં 52 રન બનાવીને અણનમ રહ્યો હતો. બંને બેટ્સમેન વચ્ચે બીજી વિકેટ માટે 144 રનની ભાગીદારી થઈ હતી. આ સાથે જ દિલ્હીએ આ મેચ આઠ વિકેટે જીતી લીધી હતી.