T20 વર્લ્ડ કપ માટે નેપાળની કેપટનશીપ રોહિત કરશે, ઉતારી મજબૂત ટીમ

અનુભવી રોહિત પૌડેલને નેપાળની T20 વર્લ્ડ કપ ટીમની કપ્તાની સોંપવામાં આવી છે. હાલમાં, રોહિતનું બેટ વેસ્ટ ઈન્ડિઝ A વિરુદ્ધ ચાલી રહેલી T20 શ્રેણીમાં સારું પ્રદર્શન કરી રહ્યું છે અને વર્લ્ડ કપ માટે પસંદ કરાયેલી ટીમના મોટાભાગના ખેલાડીઓ નેપાળ તરફથી સતત રમી રહ્યા છે.

વેસ્ટ ઈન્ડિઝ સામે ચાલી રહેલી શ્રેણીમાં ભાગ લઈ રહેલી ટીમમાંથી આરિફ શેખ, બિબેક યાદવ અને આકાશ ચંદને વર્લ્ડ કપની ટીમમાં સ્થાન મળ્યું નથી. નેપાળનો સૌથી પ્રખ્યાત ટી-20 ક્રિકેટર સંદીપ લામિછાણે બળાત્કારના કેસમાં ફસાવવાના કારણે જેલમાં છે.

આ ટીમમાં દીપેન્દ્ર એરી પણ હાજર છે, જેણે ગયા મહિને T20 ઈન્ટરનેશનલમાં એક ઓવરમાં સતત છ છગ્ગા મારનાર બીજા બેટ્સમેન બનવાનો રેકોર્ડ બનાવ્યો હતો. તેણે કતાર સામેની ACC મેન્સ પ્રીમિયર કપ મેચમાં આ સિદ્ધિ મેળવી હતી.

નેપાળને વર્લ્ડ કપમાં ગ્રુપ ડીમાં રાખવામાં આવ્યું છે જેમાં બાંગ્લાદેશ, નેધરલેન્ડ, દક્ષિણ આફ્રિકા અને શ્રીલંકાનો પણ સમાવેશ થાય છે. નેપાળ 4 જૂને નેધરલેન્ડ સામે તેના અભિયાનની શરૂઆત કરશે.

T20 વર્લ્ડ કપ 2024 માટે નેપાળની ટીમ:

રોહિત પૌડેલ (કેપ્ટન), આસિફ શેખ, અનિલ શાહ, કુશલ ભુર્તેલ, કુશલ મલ્લ, દીપેન્દ્ર સિંહ એરી, લલિત રાજબંશી, કરણ કેસી, ગુલશન ઝા, સોમપાલ કામી, પ્રતિસ જીસી, સંદીપ જોરા, અબિનાશ બોહરા, સાગર ધકાલ, કમલ સિંહ એરી.