શોએબ મલિક અને સાનિયા મિર્ઝાની જોડી ચાહકોને ખૂબ જ પસંદ આવી હતી. શોએબ મલિકે વર્ષ 2010માં સાનિયા મિર્ઝા સાથે લગ્ન કર્યા હતા. પરંતુ 14 વર્ષ બાદ હવે આ સંબંધનો અંત આવી ગયો છે.
પૂર્વ પાકિસ્તાની ક્રિકેટર શોએબ મલિકે ત્રીજા લગ્ન કર્યા છે. આ વખતે તેણે પાકિસ્તાની અભિનેત્રી સના જાવેદ સાથે નવા સંબંધની શરૂઆત કરી છે.
20મી જાન્યુઆરી એટલે કે શનિવારે શોએબ મલિકે સોશિયલ મીડિયા દ્વારા પોતાના લગ્નની જાહેરાત કરી છે. તેણે ટેનિસ સ્ટાર સાનિયા મિર્ઝા સાથેના સંબંધોનો અંત લાવીને સના જાવેદને પોતાની જીવનસાથી તરીકે પસંદ કરી છે. થોડા સમયથી સના જાવેદ અને શોએબ મલિક વચ્ચે પ્રેમસંબંધોની અફવાઓ ચાલી રહી હતી. આ બંને ઘણા પ્રસંગોએ એકબીજા સાથે જોવા મળ્યા છે.
શોએબ મલિકની નવી પત્ની સના જાવેદ લકી ચાર્મ સાબિત થઈ રહી છે. સના જાવેદ સાથે લગ્ન કર્યાના થોડા કલાકો બાદ જ શોએબ મલિકે એક મોટો રેકોર્ડ પોતાના નામે કરી લીધો છે. શોએબ મલિક T-20 ક્રિકેટમાં કંઈક એવું કરવામાં સફળ રહ્યો છે જે આજ સુધી કોઈ એશિયાઈ બેટ્સમેન નથી કરી શક્યો. વાસ્તવમાં, શોએબ મલિક T-20 ક્રિકેટમાં 13000 રન બનાવનાર પ્રથમ એશિયન બેટ્સમેન બની ગયો છે.
શોએબ મલિક આ દિવસોમાં બાંગ્લાદેશ પ્રીમિયર લીગમાં ફોર્ચ્યુન બરીશાલ તરફથી રમી રહ્યો છે. તેણે રંગપુર રાઇડર્સ સામે મોટો રેકોર્ડ બનાવ્યો હતો. આ મેચ દરમિયાન શોએબ મલિકના બેટમાંથી 17 રન આવ્યા હતા. 17 રન બનાવતાની સાથે જ તેણે T-20 ક્રિકેટમાં પોતાના 13000 રન પણ પૂરા કર્યા.
ટી20માં સૌથી વધુ રન બનાવવાના મામલે શોએબ મલિક હવે ક્રિસ ગેલથી પાછળ છે. ગેલે ટી-20 ક્રિકેટમાં 13000થી વધુ રન બનાવ્યા છે. આવનારા સમયમાં શોએબ મલિક પણ ક્રિસ ગેલનો આ રેકોર્ડ તોડી શકે છે.
Shoaib Malik completed his 13,000 #RUNS Landmark in #T20 Career. He is playing currently #BPL.#BPL #PSL #PCB #Pakistan #KarachiKings #ShoaibMalik #SaniaMirza #ShoaibMalikMarriage #SanaJavedpic.twitter.com/jN4RFXNkY4
— MUHAMMAD zohaib (@theMzohaib) January 20, 2024