ઈંગ્લેન્ડમાં વનડે શ્રેણી રમી રહેલી ટીમ ઈન્ડિયાને અહીંથી સીધી વેસ્ટ ઈન્ડિઝ જવાનું છે. વેસ્ટ ઈન્ડિઝ સામેની પાંચ મેચની T20 શ્રેણી માટે ટીમની જાહેરાત કરવામાં આવી છે. વિરાટ કોહલી, જસપ્રિત બુમરાહ, યુઝવેન્દ્ર ચહલ જેવા સ્ટાર ખેલાડીઓને આ શ્રેણીમાં આરામ આપવામાં આવ્યો છે.
આવા ખેલાડીઓમાં સંજુ સેમસન, ઉમરાન મલિક જેવા નામ સામેલ છે. હાલમાં જ આયર્લેન્ડ સામેની ટી20 શ્રેણીમાં બંનેની પસંદગી કરવામાં આવી હતી, તેમને રમવાની તક પણ મળી હતી. પરંતુ હવે બંનેને માત્ર એક સિરીઝ બાદ પડતી મૂકવામાં આવી છે.
IPLમાં રાજસ્થાન રોયલ્સની કેપ્ટનશીપ કરનાર સંજુ સેમસનને ફરી એકવાર ટીમમાંથી બહાર કરી દેવામાં આવ્યો છે. દક્ષિણ આફ્રિકા સામેની શ્રેણીમાં સંજુ સેમસનની પસંદગી કરવામાં આવી ન હતી, પરંતુ તે આયર્લેન્ડ સામેની શ્રેણીમાં રમ્યો હતો. હવે માત્ર એક સિરીઝ બાદ તે ફરીથી બહાર થઈ ગયો હતો.
સંજુ સેમસને પણ આયર્લેન્ડ સામે 77 રનની ઇનિંગ રમી હતી. સંજુ સેમસન કેટલો કમનસીબ રહ્યો છે, તેનો અંદાજ એ વાત પરથી લગાવી શકાય છે કે 2015માં ડેબ્યૂ કરવા છતાં તે અત્યાર સુધી માત્ર 14 T20 મેચ જ રમી શક્યો છે. આમાં તેના નામે માત્ર 251 રન છે.
Rohit Sharma (C), I Kishan, KL Rahul*, Suryakumar Yadav, D Hooda, S Iyer, D Karthik, R Pant, H Pandya, R Jadeja, Axar Patel, R Ashwin, R Bishnoi, Kuldeep Yadav*, B Kumar, Avesh Khan, Harshal Patel, Arshdeep Singh.
*Inclusion of KL Rahul & Kuldeep Yadav is subject to fitness.
— BCCI (@BCCI) July 14, 2022
IPL 2022માં સનસનાટી મચાવનાર ઉમરાન મલિકની ટીમ ઈન્ડિયાની T20 ટીમમાં એન્ટ્રી થઈ હતી. તેને સાઉથ આફ્રિકા સામેની ટીમમાં જગ્યા મળી, પરંતુ મેચ રમવા ન મળી. પરંતુ તેને આયર્લેન્ડ વિરૂદ્ધ ટી-20 સિરીઝમાં તક મળી હતી, પરંતુ તે હિટ સાબિત થયો નહોતો. ઉમરાન મલિક અત્યાર સુધીમાં 3 ટી-20 મેચ રમી ચૂક્યો છે, જેમાં તે માત્ર 2 વિકેટ જ લઈ શક્યો છે.