બાંગ્લાદેશની T20 ટીમના કેપ્ટન શાકિબ અલ હસનનું નામ વિશ્વના સર્વશ્રેષ્ઠ ઓલરાઉન્ડરોમાં સામેલ છે. તેને વર્ષોવર્ષ થી તેની ઓળખ અને વિશ્વસનીયતા મજબૂત કરી રહ્યો છે.
બાંગ્લાદેશ ક્રિકેટના સર્વકાલીન અને મહાન ખેલાડી શાકિબ અલ હસને ગુરુવારે એશિયા કપમાં શ્રીલંકા સામે કરો યા મરો મેચમાં બેટ વડે 22 બોલમાં 24 રન બનાવ્યા હતા.
આ ઈનિંગ દરમિયાન, શાકિબે 15 રનનો આંકડો પાર કર્યો કે તરત જ તે T20 ક્રિકેટમાં 6000 રન પૂરા કરનાર તમીમ ઈકબાલ પછી બીજો બાંગ્લાદેશી ખેલાડી બની ગયો. શાકિબે પોતાની કારકિર્દીની 369મી T20 મેચ રમીને આ સિદ્ધિ મેળવી હતી. તેણે લગભગ 20ની એવરેજ અને 121.59ના સ્ટ્રાઈક રેટથી આ રન બનાવ્યા છે.
આ સાથે શાકિબ T20 ક્રિકેટમાં 6000થી વધુ રન અને 400થી વધુ વિકેટ લેનારો વિશ્વનો બીજો ઓલરાઉન્ડર બની ગયો છે. તેની પહેલા આ બેવડી સિદ્ધિ વેસ્ટ ઈન્ડિઝના ભૂતપૂર્વ ઓલરાઉન્ડર ડ્વેન બ્રાવોએ હાંસલ કરી છે. બ્રાવોએ અત્યાર સુધીમાં 6871 રન બનાવ્યા છે અને 605 વિકેટ લીધી છે. આ સાથે જ શાકિબના નામે 6,009 રન સાથે 419 વિકેટ છે.