શિખર ધવન ટી-20માં પ્રથમ બોલ પર આઉટ થનાર ભારતનો પહેલો કેપ્ટન બન્યો

ઓસ્ટ્રેલિયા વિરુદ્ધ કેપ્ટન વિરાટ કોહલી બીજી બોલ પર 0 રને આઉટ થયો હતો…..

ભારતીય કેપ્ટન શિખર ધવને ગુરુવાર (29 જુલાઈ) ના રોજ આર પ્રેમાદાસા સ્ટેડિયમ ખાતે શ્રીલંકા સામે ત્રીજી અને છેલ્લી ટી 20 આંતરરાષ્ટ્રીય મેચમાં અનિચ્છનીય રેકોર્ડ બનાવ્યો હતો. ધવને ટોસ જીતીને પહેલા બેટિંગ કરવાનું પસંદ કર્યું અને તેના પહેલા જ બોલ પર આઉટ થયા બાદ પેવેલિયન પરત ફર્યો.

ચમીરા કરુણારત્ને સામે પ્રથમ ઓવરના ચોથા બોલમાં ધવન સ્લિપ પર ધનંજય દ સિલ્વાને કેચ આપી બેઠો હતો. આ સાથે, ધવન ટી 20 આંતરરાષ્ટ્રીયમાં પ્રથમ બોલ પર આઉટ થનાર પ્રથમ ભારતીય કેપ્ટન બની ગયો છે.

આ અગાઉ વર્ષ 2017 માં ગુવાહાટીમાં રમાયેલી ટી 20 આંતરરાષ્ટ્રીય મેચમાં ઓસ્ટ્રેલિયા વિરુદ્ધ કેપ્ટન વિરાટ કોહલી બીજી બોલ પર 0 રને આઉટ થયો હતો. જેસન બેહરેન્ડોર્ફે તેને પેવેલિયનનો રસ્તો બતાવ્યો હતો.