અખ્તરે બાબર આઝમની ટીકા કરી છે અને તેની બેટિંગ શૈલી પર સવાલ ઉઠાવ્યા છે….
ટી-20 શ્રેણીની બીજી મેચ દક્ષિણ આફ્રિકા અને પાકિસ્તાન વચ્ચે રમાઈ હતી. આ મેચમાં દક્ષિણ આફ્રિકાની ટીમે પાકિસ્તાનને 6 વિકેટે હરાવી શ્રેણીમાં 1-1થી બરાબરી કરી લીધી હતી. દક્ષિણ આફ્રિકા સામે પ્રથમ બેટિંગ કરતા પાકિસ્તાનની ટીમે નિર્ધારિત 20 ઓવરમાં 140 રન બનાવ્યા હતા. પાકિસ્તાન તરફથી બાબર આઝમે આ મેચમાં અડધી સદી રમી હતી. બાબર આઝમે 49 બોલમાં પોતાની અડધી સદી પૂરી કરી. આ માટે પાકિસ્તાનના પૂર્વ ફાસ્ટ બોલર શોએબ અખ્તરે બાબર આઝમની ટીકા કરી છે અને તેની બેટિંગ શૈલી પર સવાલ ઉઠાવ્યા છે.
શોએબ અખ્તરે પોતાના નિવેદનમાં બાબર આઝમની બેટિંગ પર કહ્યું કે અમારા બેટ્સમેનોએ વિચારવાની જરૂર છે કે ટી -20 ફોર્મેટ માટે તેમની બેટિંગ શૈલી યોગ્ય છે કે નહીં. જો તમે ક્રિસ ગેલ, વિરાટ કોહલી અને એદાન માર્કરામને 50 બોલ આપો તો તે શું કરશે અને બાબર આઝમે શું કર્યું? બાબર આઝમ સારો ખેલાડી છે પણ 50 બોલમાં 50 રન આ બરાબર નથી.