ટીમ ઈન્ડિયાના સ્ટાર બેટ્સમેન કેએલ રાહુલ કોરોના પોઝિટિવ હોવાનું જાણવા મળ્યું છે. રાહુલ હાલમાં નેશનલ ક્રિકેટ એકેડમી (NCA)માં રિહેબિલિટેશનમાંથી પસાર થઈ રહ્યો હતો. રાહુલને વેસ્ટ ઈન્ડિઝ સામેની ટી-20 શ્રેણી માટે ટીમમાં સામેલ કરવામાં આવ્યો હતો.
રાહુલનું જર્મનીમાં સફળ ઓપરેશન થયું, જે બાદ તે ઘરે પરત ફર્યો. રાહુલ નીતિન પટેલની દેખરેખ હેઠળ બેંગ્લોરમાં એનસીએમાં રિહેબિલિટેશન કરી રહ્યો હતો. તાજેતરમાં એક વીડિયો વાયરલ થઈ રહ્યો હતો જેમાં ભારતીય મહિલા ક્રિકેટ ટીમની દિગ્ગજ ખેલાડી ઝુલન ગોસ્વામી નેટ્સમાં કેએલ રાહુલને બોલિંગ કરતી જોવા મળી હતી.
કેએલ રાહુલ ઈન્ડિયન પ્રીમિયર લીગ 2022 થી ક્રિકેટિંગ એક્શનથી દૂર છે. રાહુલને ગયા મહિને દક્ષિણ આફ્રિકા સામેની T20 શ્રેણી માટે ભારતીય ટીમના કેપ્ટન તરીકે નિયુક્ત કરવામાં આવ્યો હતો, પરંતુ પ્રથમ મેચ શરૂ થાય તે પહેલા જ રાહુલ ઈજાના કારણે પાંચ મેચની સમગ્ર શ્રેણીમાંથી બહાર થઈ ગયો હતો. આ પછી રાહુલને સમગ્ર ઈંગ્લેન્ડ પ્રવાસમાંથી બહાર રહેવાની ફરજ પડી હતી.
કેએલ રાહુલ તાજેતરના વર્ષોમાં ભારતના સૌથી સફળ બેટ્સમેનોમાંનો એક રહ્યો છે અને ઓસ્ટ્રેલિયામાં આગામી T20 વર્લ્ડ કપમાં મહત્વની ભૂમિકા ભજવવાની અપેક્ષા છે. 30 વર્ષીય રાહુલે તેની આઠ વર્ષની આંતરરાષ્ટ્રીય કારકિર્દીમાં ભારત માટે 42 ટેસ્ટ, 42 ODI અને 56 T20 આંતરરાષ્ટ્રીય મેચોમાં ભાગ લીધો છે.
Kl Rahul tested positive for #COVID19, confirms BCCI President Sourav Ganguly
(file photo) pic.twitter.com/xqnVs8HlA8
— ANI (@ANI) July 21, 2022
વિન્ડીઝ પ્રવાસ પર, ભારતીય ટીમે પહેલા શિખર ધવનની કપ્તાનીમાં ત્રણ મેચની વનડે શ્રેણી રમવાની છે. આ પછી પાંચ T20 મેચોની શ્રેણી રમાશે. 29 જુલાઈના રોજ, પ્રથમ T20 બ્રાયન લારા ક્રિકેટ એકેડમી (પોર્ટ ઓફ સ્પેન) ખાતે રમાશે. ત્યારબાદ બીજી અને ત્રીજી ટી-20 મેચ વોર્નર પાર્કમાં રમાશે. છેલ્લી બે T20 મેચ 6 અને 7 ઓગસ્ટના રોજ ફ્લોરિડાના લોડરહિલમાં રમાશે.
29 જુલાઈ = 1લી T20I, પોર્ટ ઓફ સ્પેન
1લી ઓગસ્ટ = 2જી T20, સેન્ટ કિટ્સ અને નેવિસ
2 ઓગસ્ટ = 3જી T20, સેન્ટ કિટ્સ અને નેવિસ
6ઠ્ઠી ઓગસ્ટ = 4થી T20, ફ્લોરિડા
7મી ઓગસ્ટ = પાંચમી T20, ફ્લોરિડા