દેશમાં ચાલી રહેલી ઉથલપાથલને કારણે વિલંબ બાદ, શ્રીલંકા ક્રિકેટે UAEમાં યોજાનાર આગામી એશિયા કપ માટે તેની 20 સભ્યોની ટીમની જાહેરાત કરી છે. પસંદગીકારોએ અનુભવી વિકેટકીપર-બેટ્સમેન દિનેશ ચંડીમલનો સમાવેશ કરવાનો નિર્ણય કર્યો.
જૂન-જુલાઈમાં ઓસ્ટ્રેલિયા સામેની ટી20 શ્રેણીમાં તે રમ્યો ન હતો. તેણે આ વર્ષે ફેબ્રુઆરીમાં ભારત સામે છેલ્લી ટી20 મેચ રમી હતી.
શ્રીલંકાએ 19 વર્ષની મથિશા પથિરાનાને પણ ટીમમાં સામેલ કરી છે. ચેન્નાઈ સુપર કિંગ્સ તરફથી IPLમાં રમનાર આ ઝડપી બોલર શ્રીલંકાના અનુભવી બોલર લસિથ મલિંગા જેવો છે. આ કારણથી તેને ‘જુનિયર મલિંગા’ કહેવામાં આવે છે.
આ વર્ષની IPLમાં શાનદાર પ્રદર્શન કરનાર ભાનુકા રાજપક્ષેને પણ ટીમમાં રાખવામાં આવ્યો છે. શ્રીલંકાએ પોતાની ટીમમાં ચાર સ્પિનરોનો સમાવેશ કર્યો છે. વાનિન્દુ હસરંગા, મહિષ તિક્ષાના, જેફરી વાંડરસે અને પ્રવીણ જયવિક્રમાની પસંદગી કરવામાં આવી છે. શ્રીલંકા પ્રથમ રાઉન્ડમાં 27 ઓગસ્ટે અફઘાનિસ્તાન સામે અને 1 સપ્ટેમ્બરે બાંગ્લાદેશ સામે રમશે.
શ્રીલંકા પાસે પથિરાના ઉપરાંત ફાસ્ટ બોલરોના રૂપમાં દુષ્મંથા ચમીરા અને ચમિકા કરુણારત્ને છે. પસંદગીકારોએ શરૂઆતમાં બિનુરા ફર્નાન્ડોને પણ પસંદ કર્યા હતા, પરંતુ તે એસએલસી ઇન્વિટેશનલ ટી20 લીગ દરમિયાન થયેલી ઈજાને કારણે એશિયા કપમાં ભાગ લેશે નહીં.
🇱🇰 Sri Lanka's squad for the 2022 Asia Cup is out!
Details ⬇️
— ICC (@ICC) August 20, 2022
શ્રીલંકાની ટીમઃ દાસુન શનાકા (કેપ્ટન), ધનુષ્કા ગુણાથિલાકા, પથુમ નિસાંકા, કુશલ મેન્ડિસ, ચરિત અસલંકા, ભાનુકા રાજપક્ષે, એશેન બંદારા, ધનંજય ડી સિલ્વા, વાનિન્દુ હસરાંગા, મહિષ તિક્ષાના, જેફરી વાંડરસે, પ્રવિણ ચૌરામી, બંદુકા, પ્રવિણ ચૌરામી, ડી. ફર્નાન્ડો, મદુશંકા, મથિશા પાથિરાના, દિનેશ ચાંદીમલ, નુવાનિન્દુ ફર્નાન્ડો અને કાસુન રાજિતા.