T20 વર્લ્ડ કપ: શ્રીલંકાને મોટો ફટકો, વાનિંદુ હસરંગા ટુર્નામેન્ટમાંથી બહાર

2026 T20 વર્લ્ડ કપના સહ-યજમાન શ્રીલંકાને મોટો ઝટકો લાગ્યો છે. અનુભવી સ્પિનર ​​વાનિન્દુ હસરંગા ઈજાને કારણે વર્લ્ડ કપમાંથી બહાર થઈ ગયા છે. રવિવારે કોલંબોમાં આયર્લેન્ડ સામેની મેચ દરમિયાન હસરંગાને હેમસ્ટ્રિંગમાં ઈજા થઈ હતી.

હસરંગાનું વર્લ્ડ કપમાંથી બાકાત રહેવું શ્રીલંકા માટે મોટો ફટકો છે. તે માત્ર એક ઉત્તમ અને મેચ વિજેતા બોલર જ નથી, પરંતુ તેણે નીચે ક્રમમાં ઉપયોગી બેટિંગ કરીને શ્રીલંકાને ઘણી વખત જીત અપાવી છે.

સોમવારે એમઆરઆઈ સ્કેન કરવામાં આવ્યું ત્યારે તેના ડાબા હેમસ્ટ્રિંગમાં ગંભીર ઈજા હોવાનું બહાર આવ્યું. યુકેના નિષ્ણાતે તેના ઈજાના રિપોર્ટની સમીક્ષા કર્યા પછી, તેને ટી20 વર્લ્ડ કપમાંથી બહાર કરવામાં આવ્યો. શ્રીલંકાના મીડિયાએ અહેવાલ આપ્યો છે કે ઈજાને કારણે હસરંગા ચાર અઠવાડિયા માટે ક્રિકેટથી બહાર રહેશે.

હસરંગાએ આયર્લેન્ડ સામેની પ્રથમ ગ્રુપ સ્ટેજ મેચમાં પણ ટીમની જીતમાં મુખ્ય ભૂમિકા ભજવી હતી, જેમાં તેણે 4 ઓવરમાં 25 રન આપીને 3 વિકેટ લીધી હતી.

હસરંગાની જગ્યાએ લેગસ્પિનર ​​દુષણ હેમંથાનો ટીમમાં સમાવેશ થઈ શકે છે. 31 વર્ષીય ખેલાડીએ શ્રીલંકા માટે અત્યાર સુધી 5 ODI અને 3 T20I રમી છે, જેમાં તેણે 6 વિકેટ લીધી છે.

આયર્લેન્ડ સામેની પહેલી ગ્રુપ સ્ટેજ મેચમાં, હસરંગાએ પણ ટીમની જીતમાં મહત્વપૂર્ણ ભૂમિકા ભજવી હતી અને 4 ઓવરમાં 25 રન આપીને 3 વિકેટ લીધી હતી.