ગુરુવારે (27 જૂન) ત્રિનિદાદના બ્રાયન લારા સ્ટેડિયમમાં રમાયેલી T20 વર્લ્ડ કપ 2024ની પ્રથમ સેમિફાઇનલ મેચમાં દક્ષિણ આફ્રિકાએ અફઘાનિસ્તાનને 9 વિકેટે હરાવ્યું હતું. આ જીત સાથે દક્ષિણ આફ્રિકા પ્રથમ વખત કોઈપણ ફોર્મેટના વર્લ્ડ કપની ફાઇનલમાં પહોંચી ગયું છે.
સરળ લક્ષ્યનો પીછો કરવા ઉતરેલી દક્ષિણ આફ્રિકાને 5 રનના કુલ સ્કોર પર ક્વિન્ટન ડી કોકના રૂપમાં પહેલો ફટકો લાગ્યો હતો. આ પછી કેપ્ટન એડન માર્કરામ અને રાજી હેન્ડ્રિક્સે દાવને સંભાળ્યો અને બીજી વિકેટ માટે 55 રનની વિજયી ભાગીદારી કરી. હેન્ડ્રિક્સે 29 રનની અણનમ ઇનિંગ રમી હતી અને માર્કરામે 23 રનની અણનમ ઇનિંગ રમી હતી. જેના કારણે દક્ષિણ આફ્રિકાએ 8.5 ઓવરમાં 1 વિકેટ ગુમાવીને જીત મેળવી હતી.
આ પહેલા ટોસ જીતીને પ્રથમ બેટિંગ કરવાનો નિર્ણય લેતા અફઘાનિસ્તાનની ટીમ 11.5 ઓવરમાં 56 રનમાં ઓલઆઉટ થઈ ગઈ હતી. જે T20 વર્લ્ડ કપના ઈતિહાસમાં સેમીફાઈનલમાં કોઈપણ ટીમ દ્વારા બનાવેલ સૌથી નાનો સ્કોર છે. અઝમતુલ્લા ઉમરઝાઈએ સૌથી વધુ 10 રન બનાવ્યા, અન્ય કોઈ ખેલાડી ડબલ ફિગર સુધી પહોંચી શક્યો નહીં.
દક્ષિણ આફ્રિકા તરફથી તબરેઝ શમ્સી અને માર્કો જાનસેને 3-3, કાગીસો રબાડા અને એનરિક નોરખિયાએ 2-2 વિકેટ લીધી હતી.
FIRST EVER WORLD CUP FINAL FOR SOUTH AFRICA. 🏆pic.twitter.com/eO2cmjtnjw
— Mufaddal Vohra (@mufaddal_vohra) June 27, 2024