આજકાલ ઝડપી ક્રિકેટનો જમાનો છે. વિશ્વનો દરેક ખેલાડી ટી20 ક્રિકેટ રમવા માંગે છે. પરંતુ આજે અમે તમને દુનિયાના એકમાત્ર એવા બેટ્સમેન વિશે જણાવવા જઈ રહ્યા છીએ જેણે પોતાના ટેસ્ટ કરિયરમાં અત્યાર સુધી 50 થી વધુ ટેસ્ટ મેચ રમી છે. પરંતુ આજ સુધી તે એક પણ ટી20 મેચ રમી શક્યો નથી.
અમે વાત કરી રહ્યા છીએ વેસ્ટ ઈન્ડિઝના ટેસ્ટ કેપ્ટન અને ઓપનર બેટ્સમેન ક્રેગ બ્રેથવેટની. જેણે 50 થી વધુ ટેસ્ટ મેચ રમી છે. પરંતુ અત્યાર સુધી તે ઈન્ટરનેશનલ કે ડોમેસ્ટિક લેવલ પર ટી20 મેચ રમી શક્યો નથી. ક્રેગ બ્રેથવેટને 2009માં બાંગ્લાદેશ સામેની ટેસ્ટ શ્રેણી માટે વેસ્ટ ઈન્ડિઝની ટીમમાં સામેલ કરવામાં આવ્યો હતો. જ્યારે વેસ્ટ ઈન્ડિઝના સિનિયર ખેલાડીઓ હડતાળ પર ઉતર્યા હતા. અને તે હવે પોતાના દેશ માટે ટેસ્ટમાં કેપ્ટનશીપ કરી રહ્યો છે.
જે બાદ તેને વેસ્ટ ઈન્ડિઝ ક્રિકેટ બોર્ડ તરફથી કોન્ટ્રાક્ટ પણ મળ્યો હતો. ક્રેગ બ્રેથવેટે 74 ટેસ્ટ મેચ રમી અને 4402 રન બનાવ્યા. તેણે આ સમયગાળા દરમિયાન 10 આંતરરાષ્ટ્રીય ODI મેચો પણ રમી છે અને 278 રન બનાવ્યા છે. પરંતુ હજુ સુધી તેને એક પણ ટી20 મેચ રમવાની તક મળી નથી.