ટી-20 વર્લ્ડ કપ 2021ની 25મી મેચમાં શ્રીલંકા અને દક્ષિણ આફ્રિકા વચ્ચે ખૂબ જ રોમાંચક મેચ રમાઈ હતી જેમાં પ્રોટીઝનો 4 વિકેટે વિજય થયો હતો. ત્રીજી મેચમાં દક્ષિણ આફ્રિકાની આ બીજી જીત હતી, જ્યારે શ્રીલંકાની ત્રણ મેચમાં બીજી હાર હતી. ગ્રુપ Aમાં દક્ષિણ આફ્રિકા હવે 4 પોઈન્ટ સાથે ત્રીજા સ્થાને છે જ્યારે શ્રીલંકા 2 પોઈન્ટ સાથે ચોથા સ્થાને છે. આ મેચમાં શ્રીલંકાનો પરાજય થયો હતો, પરંતુ ટીમના સ્પિનર વાનિન્દુ હસરંગાએ ટી20 વર્લ્ડ કપ 2021ની સુપર 12 મેચોમાં પ્રથમ હેટ્રિક વિકેટ લીધી હતી. આ સીઝનમાં તે પોતાની ટીમ માટે હેટ્રિક લેનારો પ્રથમ બોલર પણ બન્યો હતો.
હસરંગાએ આ મેચમાં 4 ઓવરમાં 20 રન આપીને 3 વિકેટ ઝડપી હતી. આ મેચમાં તેણે એડન માર્કરામને 19 રન પર ક્લીન બોલ્ડ કર્યો હતો, જ્યારે તેણે તેનો બીજો શિકાર કેપ્ટન ટેમ્બા બાવુમાને બનાવ્યો હતો અને તેને 46 રન પર નિશંકાના હાથે કેચ કરાવ્યો હતો. ત્યારબાદ હસરંગાએ આફ્રિકાના બૅટ્સમેનને ખાતું ખોલ્યા વિના હસરંગાએ હેટ્રિક પૂરી કરી.
ટી-20માં શ્રીલંકા માટે હસરંગા પહેલા, થિસારા પરેરાએ ભારત સામે, લસિથ મલિંગાએ બાંગ્લાદેશ અને ન્યુઝીલેન્ડ સામે અને અકિલા ધનંજયાએ ન્યુઝીલેન્ડ અને વેસ્ટ ઈન્ડિઝ સામે હેટ્રિક લીધી હતી.
દક્ષિણ આફ્રિકા અને શ્રીલંકા વચ્ચેની આ મેચમાં શ્રીલંકાએ પ્રથમ બેટિંગ કરતા પથુમ નિશંકાના 72 રનના આધારે 20 ઓવરમાં 142 રન બનાવ્યા હતા. બીજી તરફ દક્ષિણ આફ્રિકાને જીતવા માટે 143 રનનો ટાર્ગેટ મળ્યો હતો. ત્યારબાદ આ ટીમે 19.5 ઓવરમાં 6 વિકેટે 146 રન બનાવ્યા અને મેચ 4 વિકેટે જીતી લીધી.