શેન વોટસન, જે તેના સમયમાં ઓસ્ટ્રેલિયાનો ખતરનાક ઓલરાઉન્ડર હતો, તે ભારતના દમદાર બેટ્સમેન વિરાટ કોહલીનો ચાહક બની ગયો છે. શેન વોટસને T20 વર્લ્ડ કપ 2022માં વિરાટ કોહલીના રેકોર્ડને ‘અદ્ભૂત’ ગણાવ્યો છે.
કોહલીએ આ T20 વર્લ્ડ કપમાં અત્યાર સુધીમાં 3 અડધી સદી ફટકારી છે અને તે T20 વર્લ્ડ કપના ઈતિહાસમાં સૌથી વધુ રન બનાવનાર બેટ્સમેન બની ગયો છે. કોહલીએ શ્રીલંકાના પૂર્વ કેપ્ટન મહેલા જયવર્દનેનો 1016 રનનો રેકોર્ડ તોડ્યો હતો.
શેન વોટસને સ્ટાર સ્પોર્ટ્સ સાથેની વાતચીતમાં કહ્યું, ‘T20 વર્લ્ડ કપમાં 80થી વધુની એવરેજથી એક હજારથી વધુ રન. અમેઝિંગ આંકડાઓ છે તેના! શેન વોટસને કહ્યું, ‘T20 ક્રિકેટ’ ખૂબ જોખમી છે. બેટિંગમાં જોખમ લેવું પડે છે અને તેણે આટલી શાનદાર સરેરાશથી રન બનાવીને ભારત માટે ઘણી મેચો જીતી છે.
શેન વોટસને કહ્યું, ‘વિરાટ કોહલી અદ્ભુત છે અને તેના આંકડા પણ વધુ અદ્ભુત છે. આટલા બધા રન બનાવવા અને આવા જોખમી ફોર્મેટમાં સતત સ્કોર બનાવવો એ અદ્ભુત છે. કોહલીએ આ T20 વર્લ્ડ કપમાં અત્યાર સુધીમાં 220 રન બનાવ્યા છે. જયવર્દનેએ 31 ઇનિંગ્સમાં 1016 રન બનાવ્યા હતા, પરંતુ કોહલીએ માત્ર 23 ઇનિંગ્સમાં 1065 રન બનાવ્યા છે.