જો કે T20 ક્રિકેટમાં બેટ્સમેનોનું વર્ચસ્વ છે. પરંતુ બોલરો પણ પાછળ નથી. ક્રિકેટ જગતમાં ઘણા એવા બોલર છે, જેમણે T20માં ખતરનાક બોલિંગ કરીને ઘણા રેકોર્ડ બનાવ્યા છે.
આવો જ એક રેકોર્ડ છે, આંતરરાષ્ટ્રીય T20 ક્રિકેટમાં સૌથી વધુ ડોટ બોલ ફેંકવાનો. આજે અમે તમને એવા ટોપ-5 બોલર્સ વિશે જણાવી રહ્યા છીએ, જેમણે અત્યાર સુધી T20 ઈન્ટરનેશનલમાં સૌથી વધુ ડોટ બોલ ફેંક્યા છે.
શાકિબ અલ હસન:
શાકિબ અલ હસન બાંગ્લાદેશનો ઓલરાઉન્ડર ખેલાડી છે અને તે આ યાદીમાં નંબર વન પર આવે છે. શાકિબ અલ હસન અત્યાર સુધી 95 ટી20 મેચ રમી ચૂક્યો છે, જેમાં તેણે 119 વિકેટ ઝડપી છે. આ દરમિયાન શાકિબ અલ હસને 832 ડોટ બોલ ફેંક્યા છે.
શાહિદ આફ્રિદી:
પૂર્વ પાકિસ્તાની ઓલરાઉન્ડર ખેલાડી શાહિદ આફ્રિદી આ યાદીમાં બીજા ક્રમે છે, જેણે પોતાની કારકિર્દીમાં 99 T20 મેચ રમી અને 98 વિકેટ લીધી. શાહિદ આફ્રિદીએ પોતાની કારકિર્દીમાં 830 ડોટ બોલ ફેંક્યા હતા.
ટિમ સાઉથી:
ટિમ સાઉથી ન્યુઝીલેન્ડનો ફાસ્ટ બોલર છે, જેણે 92 ટી20 મેચ રમી છે જેમાં તેણે 111 વિકેટ લીધી છે. તેણે અત્યાર સુધી આંતરરાષ્ટ્રીય T20માં 791 ડોટ બોલ ફેંક્યા છે.
લસિથ મલિંગા:
શ્રીલંકાના પૂર્વ બોલર લસિથ મલિંગાએ પોતાના કરિયરમાં 84 ટી-20 મેચ રમી હતી, જેમાં 107 બેટ્સમેન આઉટ થયા હતા અને આ દરમિયાન તેણે 713 ડોટ બોલ ફેંક્યા હતા.
મુહમ્મદ નબી:
અફઘાનિસ્તાનનો મોહમ્મદ નબી આ યાદીમાં પાંચમા નંબર પર છે, તેણે 87 ટી-20 મેચમાં 73 વિકેટ ઝડપી છે અને 627 ડોટ બોલ બોલિંગ કર્યા છે.