ઉન્મુક્ત ચંદનું કાર્ડ કટ, ન્યુઝીલેન્ડના ઓલરાઉન્ડરની યુએસએમાં વાપસી થઈ

USAએ કેનેડા સામે આગામી 5 મેચની T20 આંતરરાષ્ટ્રીય શ્રેણી માટે સુધારેલી ટીમ જાહેર કરી છે. આ ટીમ અમેરિકન ક્રિકેટના નવા યુગનો સંકેત આપી રહી હોય તેવું લાગી રહ્યું છે. ખાસ વાત એ છે કે ટીમમાં ન્યૂઝીલેન્ડના પૂર્વ ઓલરાઉન્ડર કોરી એન્ડરસનનો સમાવેશ કરવામાં આવ્યો છે.

પાંચ વર્ષના ગાળા બાદ કોરી જોરદાર પુનરાગમન કરવા માટે તૈયાર છે. એન્ડરસને તેની છેલ્લી આંતરરાષ્ટ્રીય મેચ 2018માં કીવી ટીમ માટે રમી હતી અને ત્યારબાદ તે 2020માં અમેરિકા ગયો હતો. 33 વર્ષીય ખેલાડીએ અહીં પોતાના રન-સ્કોરિંગ અને બોલિંગ ક્ષમતાથી બધાને પ્રભાવિત કર્યા છે.

ICC T20 વર્લ્ડ 2 જૂનથી શરૂ થઈ રહ્યું છે, જેનું આયોજન અમેરિકા અને વેસ્ટ ઈન્ડિઝ દ્વારા સંયુક્ત રીતે કરવામાં આવી રહ્યું છે. આવી સ્થિતિમાં આગામી મેગા ઈવેન્ટના દૃષ્ટિકોણથી યુએસએની આ ટુકડીને પણ મહત્વ આપવામાં આવી રહ્યું છે.

યુએસએની આ ટીમમાં તાજેતરના પ્રભાવશાળી પ્રદર્શનવાળા ખેલાડીઓને પ્રાથમિકતા આપવામાં આવી છે, જ્યારે ભારતીય મૂળના ઉન્મુક્ત ચંદને ટીમમાં સ્થાન આપવામાં આવ્યું નથી.

કોરી એન્ડરસને અહીં માઇનોર ક્રિકેટ લીગમાં 28 ઇનિંગ્સમાં 146ના સ્ટ્રાઇક રેટથી 900થી વધુ રન બનાવ્યા છે. ઉન્મુક્ત ચંદ, 1500 થી વધુ રન સાથે લીગના રન ચાર્ટમાં ટોચ પર હોવા છતાં, ટીમમાં સામેલ કરવામાં આવ્યો ન હતો.

યુએસએ ટી20 ટીમઃ મોનાંક પટેલ (કેપ્ટન), એરોન જોન્સ (વાઈસ-કેપ્ટન), કોરી એન્ડરસન, ગજાનંદ સિંઘ, જેસી સિંઘ, સૌરભ નેત્રાવલકર, નિસર્ગ પટેલ, સ્ટીવન ટેલર, એન્ડ્રીસ ગૌસ, હરમીત સિંહ, શેડલી વાન શાલ્કવિક, નોસ્ટુશ કેન્ઝીગે, મિલિંદ કુમાર, નીતિશ કુમાર, ઉસ્માન રફીક.