IPL 2022ની પ્રથમ મેચમાં રોયલ ચેલેન્જર્સ બેંગ્લોરને હારનો સામનો કરવો પડ્યો હતો. ફરી એકવાર ટીમની બોલિંગ નબળી કડી સાબિત થઈ. ફાફ ડુ પ્લેસિસની આગેવાની હેઠળની RCB 205 રન બનાવીને પણ પંજાબ સામેની મેચ બચાવી શકી ન હતી.
ભૂતપૂર્વ સુકાની તરીકે અને પ્રથમ વખત મેચમાં પ્રવેશેલા વિરાટ કોહલીએ જોકે વધુ એક સિદ્ધિ પોતાના નામે કરી હતી. મુંબઈના ડીવાય પાટિલ સ્ટેડિયમમાં રમાયેલી આ મેચમાં વિરાટે શાનદાર ઇનિંગ રમી હતી અને 29 બોલમાં 2 સિક્સ અને 1 ફોરની મદદથી 41 રન બનાવીને અણનમ રહ્યો હતો. આ દરમિયાન તેણે ઓસ્ટ્રેલિયાના બેટ્સમેન ડેવિડ વોર્નરને પાછળ છોડી દીધો.
વિરાટ કોહલી તેની 41 રનની ઇનિંગ દરમિયાન T20 ક્રિકેટમાં સૌથી વધુ રન બનાવનાર ટોચના પાંચ બેટ્સમેનોમાંનો એક બન્યો. તેના હવે 327 મેચમાં 10,314 રન છે અને તેણે આ મામલે ડેવિડ વોર્નરને પાછળ છોડી દીધો છે. વોર્નરે 313 મેચમાં કુલ 10,308 રન બનાવ્યા છે.
T20 ક્રિકેટમાં સૌથી વધુ રન બનાવનાર ખેલાડી:
ક્રિસ ગેલ: 14562
શોએબ મલિક: 11698
કિરોન પોલાર્ડ: 11430
એરોન ફિન્ચ: 10444
વિરાટ કોહલી: 10314
ડેવિડ વોર્નર: 10308