વિરાટ કોહલીએ બનવ્યો નવો વર્લ્ડ રેકોર્ડ, કેપ્ટન તરીકે આવું કરનાર પ્રથમ સ્થાને

કેપ્ટન તરીકે સૌથી વધુ રન બનાવવાની બાબતમાં વિરાટ કોહલી ત્રીજા નંબરે આવ્યો છે…

ભારતીય કેપ્ટન વિરાટ કોહલીએ કેપ્ટન તરીકે આંતરરાષ્ટ્રીય ક્રિકેટમાં સૌથી ઝડપી 12,000 રન પૂરા કરવાનો નવો વર્લ્ડ રેકોર્ડ બનાવ્યો છે. વિરાટ કોહલીએ આંતરરાષ્ટ્રીય ક્રિકેટની તેની 226 મી ઇનિંગ્સમાં આ સ્થાન મેળવ્યું અને રિકી પોન્ટિંગને પાછળ છોડી દીધું. પોન્ટિંગે 282 મી ઇનિંગ્સમાં આ અદ્ભુત પ્રદર્શન કર્યું હતું, જ્યારે આ મામલે ગ્રીમ સ્મિથ ત્રીજા સ્થાને છે અને તેણે તે 294 મી ઇનિંગમાં કર્યું હતું.

કેપ્ટન તરીકે 12,000 રન પૂરા કરનાર સૌથી ઝડપી બેટ્સમેન –

વિરાટ કોહલી – 226 ઇનિંગ્સ

રિકી પોન્ટિંગ – 282 ઇનિંગ્સ

ગ્રીમ સ્મિથ – 294 ઇનિંગ્સ

આંતરરાષ્ટ્રીય ક્રિકેટમાં કેપ્ટન તરીકે સૌથી વધુ રન બનાવવાની બાબતમાં વિરાટ કોહલી ત્રીજા નંબરે આવ્યો છે. આ કિસ્સામાં, રિકી પોન્ટિંગ પ્રથમ સ્થાને છે અને તેણે કેપ્ટન તરીકે કુલ 15,440 રન બનાવ્યા છે. ગ્રીમ સ્મિથ 14,848 રન સાથે બીજા સ્થાને છે. તે જ સમયે, સમાચાર લખાય ત્યાં સુધી વિરાટ કોહલીએ 12,004 રન બનાવ્યા હતા.

આંતરરાષ્ટ્રીય ક્રિકેટમાં કેપ્ટન તરીકેના સૌથી વધુ રન-

રિકી પોન્ટિંગ – 15440 રન

ગ્રીમ સ્મિથ – 14878 રન

વિરાટ કોહલી – 12061 રન

ભારતીય કેપ્ટન તરીકે સૌથી વધુ રન બનાવનાર વિરાટ કોહલી છે, જ્યારે આ મામલામાં એમએસ ધોની બીજા ક્રમે છે.

સૌથી વધુ રન બનાવનારા ભારતીય કેપ્ટન:

વિરાટ કોહલી – 12061

એમએસ ધોની – 11207

મો. અઝરુદ્દીન – 8095

સૌરવ ગાંગુલી – 7643

સચિન તેંડુલકર – 4508