પહેલી મેચ 22, બીજી 23 અને ત્રીજી અને અંતિમ ટી-20 મેચ 25 જુલાઇએ રમાશે…
બાંગ્લાદેશની ટીમ હાલમાં ઝિમ્બાબ્વેના પ્રવાસ પર છે, જ્યાં તે ટીમ મર્યાદિત ઓવરની શ્રેણી રમી રહી છે. ત્રણ મેચની વનડે સિરીઝ બાદ બંને ટીમોએ સમાન ટી -20 આઈ શ્રેણી રમવાની છે. જો કે, ટી -20 સિરીઝમાં હવે ફેરફાર કરવામાં આવ્યા છે અને એક નવું શેડ્યૂલ બહાર પાડવામાં આવ્યું છે.
ઝિમ્બાબ્વે ક્રિકેટ (ઝેડસી) અને બાંગ્લાદેશ ક્રિકેટ બોર્ડ (બીસીબી) વચ્ચે પરસ્પર કરાર થયા બાદ આ ફેરફાર કરવામાં આવ્યો છે. જૂના સમયપત્રક મુજબ, બંને ટીમો 23, 25 અને 27 જુલાઈના રોજ હરારેમાં ત્રણ મેચની ટી-20શ્રેણી રમવાની હતી.
JUST IN | @ZimCricketv and @BCBtigers have agreed to bring forward their T20I series. The matches will now be played on 22, 23 and 25 July at Harare Sports Club, not on 23, 25 and 27 July as originally scheduled.#ZIMvBAN | #IspahaniT20ISeries | #VisitZimbabwe | #BowlOutCovid19 pic.twitter.com/FqEAoFj6yL
— Zimbabwe Cricket (@ZimCricketv) July 19, 2021
ઝેડસીએ એક નિવેદન બહાર પાડીને કહ્યું છે કે બંને બોર્ડની પરસ્પર સંમતિ પછી, શ્રેણી બદલવામાં આવી છે અને એક નવું શેડ્યૂલ બહાર પાડવામાં આવ્યું છે. નવા શિડ્યુલ મુજબ ત્રણેય ટી -20 મેચ હારેમાં રમાશે. પરંતુ તેની તારીખો બદલી દેવામાં આવી છે. બોર્ડે કહ્યું કે નવા શિડ્યુલ હેઠળ ત્રણ મેચની ટી -20 શ્રેણીની પહેલી મેચ 22, બીજી 23 અને ત્રીજી અને અંતિમ ટી-20 મેચ 25 જુલાઇએ રમાશે. બોર્ડે વધુમાં કહ્યું કે, બ્રોડકાસ્ટ પ્રોડક્શન કંપની દ્વારા આવી રહેલી પડકારોને ધ્યાનમાં રાખીને આ નિર્ણય લેવામાં આવ્યો છે.