ભારતીય ટીમે ન્યૂઝીલેન્ડ સામેની ટેસ્ટ શ્રેણીની બીજી મેચ જીતીને ટેસ્ટ ચેમ્પિયનશિપ ટેબલમાં પોતાનું સ્થાન મજબૂત કર્યું છે. પાકિસ્તાનની ટીમે બાંગ્લાદેશ સામે જીત મેળવીને ભારતને પાછળ છોડી દીધું છે.
હાલમાં, એશિયાની ટીમો ICC ટેસ્ટ ચેમ્પિયનશિપ ટેબલ પર પ્રભુત્વ ધરાવે છે. શ્રીલંકા, પાકિસ્તાન અને ભારતની ટીમોએ પ્રથમ ત્રણ સ્થાન પર કબજો જમાવ્યો છે.
ઢાકા ટેસ્ટમાં પાકિસ્તાને બાંગ્લાદેશ સામે ઇનિંગ્સ અને 8 રને શાનદાર જીત નોંધાવી હતી. વરસાદથી પ્રભાવિત મેચમાં પાકિસ્તાનની ટીમે માત્ર 300 રન પર પ્રથમ દાવ ડિકલેર કર્યો હતો. આ પછી શાનદાર બોલિંગ કરીને પાકિસ્તાને બાંગ્લાદેશને પ્રથમ દાવમાં માત્ર 87 રનમાં ફોલો કર્યા બાદ બીજી ઇનિંગમાં 205 રનમાં આઉટ થઈને મેચ જીતી લીધી હતી.
આ જીત બાદ ટેસ્ટ ચેમ્પિયનશિપ ટેબલમાં એક બદલાવ આવ્યો છે. શ્રીલંકા હજુ પણ 100 ટકા જીત સાથે પ્રથમ સ્થાને છે જ્યારે પાકિસ્તાન 75 ટકા જીત સાથે બીજા સ્થાને પહોંચી ગયું છે. ભારતીય ટીમની જીતની ટકાવારી 58 છે અને તે ત્રીજા નંબર પર સરકી ગઈ છે. ઈંગ્લેન્ડ 29 ટકા જીત સાથે ચોથા નંબર પર છે જ્યારે વેસ્ટ ઈન્ડિઝ 25 ટકા જીત સાથે પાંચમા ક્રમે છે.
The ICC World Test Championship standings after Pakistan’s emphatic win in the Dhaka Test 📈#WTC23 | #BANvPAK pic.twitter.com/Xo2k02pnPE
— ICC (@ICC) December 8, 2021