વરસાદે મેચ બગાડી, તો આ પાક ખેલાડીએ મૈદાનમાં જઈને કરી સ્વિમિંગ

શ્રીલંકા અને પાકિસ્તાન વચ્ચે કોલંબોમાં રમાઈ રહેલી બીજી ટેસ્ટ વરસાદને કારણે પ્રભાવિત થઈ છે. રમતના બીજા દિવસે વરસાદના કારણે માત્ર 10 ઓવર જ રમાઈ શકી હતી. જ્યાં વરસાદે ક્રિકેટ ચાહકોને નિરાશ કર્યા, ત્યાં પાકિસ્તાનના ફાસ્ટ બોલર હસન અલીને આ વરસાદમાં મજા પડી અને તેણે ખૂબ એન્જોય કર્યું.

હસન અલી વરસાદના પાણીથી ભરેલા કવર પર મસ્તી કરતો જોવા મળ્યો હતો. તે આ કવર પર સરકતો જોવા મળ્યો હતો. તે કૂદકો માર્યો અને કવર પર સરક્યો, આ સિવાય તે કવરની નીચે છુપાયેલો પણ જોવા મળ્યો. તેનો વીડિયો સોશિયલ મીડિયા પર વાયરલ થઈ રહ્યો છે.

આ મેચની વાત કરીએ તો શ્રીલંકાના પ્રથમ દાવમાં 166 રનના જવાબમાં પાકિસ્તાને લીડ મેળવી લીધી છે. બીજા દિવસની રમતના અંત સુધીમાં પાકિસ્તાને પ્રથમ દાવમાં બે વિકેટે 178 રન બનાવી લીધા છે અને તેની કુલ લીડ 12 રનની થઈ ગઈ છે. અબ્દુલ્લા શફીક 87 રન અને કેપ્ટન બાબર આઝમ 28 રન બનાવીને ક્રિઝ પર હાજર છે. બંને બેટ્સમેન વચ્ચે 57 રનની ભાગીદારી થઈ છે.