ઓસ્ટ્રેલિયાના ફાસ્ટ બોલર જોશ હેઝલવુડ (250 ટેસ્ટ વિકેટ) એ એડિલેડ ઓવલ ખાતે વેસ્ટ ઈન્ડિઝ સામે રમાઈ રહેલી પ્રથમ ટેસ્ટ મેચની પ્રથમ ઈનિંગમાં પોતાની શાનદાર બોલિંગથી એક ખાસ રેકોર્ડ બનાવ્યો હતો.
પ્રથમ દિવસની રમત દરમિયાન હેઝલવુડે 15 ઓવરમાં 44 રન આપીને 4 વિકેટ ઝડપી હતી. આ શાનદાર પ્રદર્શન સાથે હેઝલવુડે ટેસ્ટ ક્રિકેટમાં પોતાની 250 વિકેટ પૂરી કરી લીધી છે. ટેસ્ટમાં આ આંકડો પહોંચનાર તે 11મો ઓસ્ટ્રેલિયન ખેલાડી બન્યો છે. હેઝલવુડે 67 મેચની 125 ઇનિંગ્સમાં આ સ્થાન હાંસલ કર્યું છે.
પ્રથમ દિવસના અંતે ઓસ્ટ્રેલિયાએ પ્રથમ દાવમાં 2 વિકેટ ગુમાવીને 59 રન બનાવ્યા હતા. યજમાન ટીમ વેસ્ટ ઈન્ડિઝ હાલમાં 129 રન પાછળ છે. દિવસની રમતના અંતે ઉસ્માન ખ્વાજા (અણનમ 30) અને કેમેરોન ગ્રીન (6) અણનમ પરત ફર્યા હતા.
ટોસ હાર્યા બાદ પ્રથમ બેટિંગ કરવા ઉતરેલી વેસ્ટ ઈન્ડિઝ 62.1 ઓવરમાં 188 રનમાં ઓલઆઉટ થઈ ગઈ હતી. ટોપ સ્કોરર કિર્ક મેકેન્ઝીએ 94 બોલમાં 7 ફોરની મદદથી 50 રનની ઇનિંગ રમી હતી. જ્યારે શમર જોસેફે ડેબ્યૂમાં જ ધૂમ મચાવી હતી અને 41 બોલમાં રેકોર્ડબ્રેક 36 રન બનાવ્યા હતા. આ બે સિવાય કોઈ ખેલાડી યોગદાન આપી શક્યો નહોતો.
Josh Hazlewood finished with figures of 4/44 and Josh Hazlewood became the 11th Australian to go past the 250 wickets mark🔥#AUSvsWI | #CricketTwitter pic.twitter.com/z6KilI9ncq
— Cricket.com (@weRcricket) January 17, 2024