ઇંગ્લેન્ડ ક્રિકેટ ટીમને એશિઝ સિરીઝની શરૂઆત પહેલા મોટો આંચકો લાગ્યો છે, જ્યાં તેનો ઝડપી બોલર જેમ્સ એન્ડરસન દુખાવને કારણે પ્રથમ ટેસ્ટમાંથી બહાર થઈ ગયો છે. ‘BBC’એ મંગળવારે આ અંગેની જાણકારી આપી છે.
જો કે ઈંગ્લેન્ડ ક્રિકેટ બોર્ડ તરફથી હજુ સુધી કોઈ સત્તાવાર નિવેદન આવ્યું નથી. રિપોર્ટમાં કહેવામાં આવ્યું છે કે એન્ડરસનની જગ્યાએ ક્રિસ વોક્સને ટીમમાં સામેલ કરવામાં આવી શકે છે.
એન્ડરસનની ગેરહાજરીમાં, ઈંગ્લેન્ડ પાસે હવે ક્રિસ વોક્સ, માર્ક વુડ, ઓલી રોબિન્સન, સ્ટુઅર્ટ બ્રોડ અને જેક લીચમાંથી પસંદગી માટે ચાર બોલર હશે. આ સિવાય આ મોટી શ્રેણીમાં ઈંગ્લેન્ડના સ્ટાર ઓલરાઉન્ડર બેન સ્ટોક્સની વાપસી થઈ છે. ઈંગ્લેન્ડ પહેલાથી જ આ શ્રેણી ઝડપી બોલર જોફ્રા આર્ચર વિના રમી રહ્યું છે, જે હજી સુધી કોણીની ઈજામાંથી બહાર આવ્યો નથી. આ સિવાય ફાસ્ટ બોલર ઓલી સ્ટોન પીઠની સર્જરીને કારણે રમી રહ્યો નથી.
ઓસ્ટ્રેલિયા અને ઈંગ્લેન્ડ વચ્ચેની એશિઝ ટેસ્ટ શ્રેણીની શરૂઆત 8 ડિસેમ્બરથી બ્રિસ્બેન ટેસ્ટથી થશે. મેચ શરૂ થવાના બે દિવસ પહેલા ઓસ્ટ્રેલિયાના નવા કેપ્ટન પેટ કમિન્સે તેની પ્લેઈંગ ઈલેવનની જાહેરાત કરી છે. આ જાહેરાત ટેસ્ટ શ્રેણીની સત્તાવાર શરૂઆતના સમયે કરવામાં આવી હતી.
જોકે, જો રૂટે કહ્યું, સ્પિનર જેક લીચ રમવાની રેસમાં છે. અમારી પાસે ટેબલ પર તમામ વિકલ્પો છે પરંતુ અમે અત્યારે કોઈ ટીમનું નામ આપવાના નથી.