ઈંગ્લેન્ડ સામેની ચાર મેચની ટેસ્ટ શ્રેણીમાં શુબમન ગિલનો સમાવેશ કર્યો છે..
ઓસ્ટ્રેલિયા સામે ભારતની જીતમાં મુખ્ય ભૂમિકા નિભાવનારા યુવા બેટ્સમેન શુબમેન ગિલને તેની બેટિંગમાં ઘણી પ્રશંસા મળી છે. એ જ રીતે ભૂતપૂર્વ ખેલાડીએ તેમના વિશે આપેલું નિવેદન ચર્ચાનો વિષય બન્યો છે. યુવા ઓપનર પૃથ્વી શોના નબળા ફોર્મને કારણે ગિલને મેલબોર્ન ટેસ્ટમાં પ્રવેશ કરવાની તક મળી. તેણે તે તકનો પૂરો લાભ લીધો અને દરેકને તેની પ્રતિભા બતાવી. ગિલ બહાદુરીથી ઓસ્ટ્રેલિયન બોલરોનો સામનો કરી, પ્રથમ ઇનિંગમાં 45 રન અને બીજી ઇનિંગમાં 35 રન બનાવ્યા. તેણે અંતિમ બ્રિસ્બેન ટેસ્ટમાં 91 રન બનાવીને ભારતને પણ જીત અપાવી હતી.
ભૂતપૂર્વ ઓસ્ટ્રેલિયન ક્રિકેટર બ્રેડ હૉગે ગિલની પ્રશંસા કરતા કહ્યું કે, “તે ક્રિકેટમાં તમામ શોટ રમવાની ક્ષમતા ધરાવે છે. જ્યારે મેં તેને પેટ કમિન્સ અને જોશ હેઝલવુડની શોર્ટ પિચ બોલિંગ પર રમતા જોયો ત્યારે હું તેની રમતથી ખૂબ પ્રભાવિત થયો હતો.” તે તૈયાર હતો. તેણે તેની બોલિંગ પર હૂક શોટ પણ રમ્યા હતો. મને લાગે છે કે તે આગામી 10 વર્ષમાં વિશ્વના સર્વશ્રેષ્ઠ ઓપનરમાં સામેલ થશે.”
બીસીસીઆઈએ ઈંગ્લેન્ડ સામેની ચાર મેચની ટેસ્ટ શ્રેણીમાં શુબમન ગિલનો સમાવેશ કર્યો છે, જે ઓસ્ટ્રેલિયા સામેની ટેસ્ટ સિરીઝમાં સર્વશ્રેષ્ઠ બેટ્સમેન હતો. આ શ્રેણી 5 ફેબ્રુઆરીથી શરૂ થશે.