શ્રીલંકા અને ઓસ્ટ્રેલિયા વચ્ચે ગાલેમાં રમાનાર બીજી ટેસ્ટ સ્થગિત થવાનો ખતરો છે. ખેલાડીઓ પર તૂટેલા કોરોનાના કહેરથી આ ખતરો ઉભો થયો છે. વાસ્તવમાં, બીજી ટેસ્ટ મેચ શરૂ થવાના એક દિવસ પહેલા જ શ્રીલંકાના વધુ 3 ખેલાડીઓ કોરોનાની ઝપેટમાં આવી ગયા છે.
જે 3 ખેલાડીઓનો કોરોના ટેસ્ટ પોઝિટિવ આવ્યો છે તેમાં ઓલરાઉન્ડર ધનંજય ડી સિલ્વા, ફાસ્ટ બોલર અસિતા ફર્નાન્ડો અને સ્પિનર જેફરી વેન્ડરસેનો સમાવેશ થાય છે. ત્રણેય ખેલાડીઓ કોરોના પોઝિટિવ આવ્યા બાદ બીજી ટેસ્ટમાંથી બહાર થઈ ગયા છે. શ્રીલંકા અને ઓસ્ટ્રેલિયા વચ્ચે 8 જુલાઈથી બીજી ટેસ્ટ મેચ રમાશે.
જણાવી દઈએ કે, પ્રથમ ટેસ્ટમાં ઓસ્ટ્રેલિયા શ્રીલંકાને ખરાબ રીતે હરાવી હતી.