ચેતેશ્વર પુજારાએ ટેસ્ટ ક્રિકેટમાં સૌથી શરમજનક અને અનોખો વર્લ્ડ રેકોર્ડ બનાવ્યો

ભારતીય મિડલ ઓર્ડર બેટ્સમેન ચેતેશ્વર પુજારાએ દક્ષિણ આફ્રિકા સામે કેપટાઉન ટેસ્ટની પ્રથમ ઇનિંગમાં 43 રન બનાવ્યા હતા, પરંતુ બીજી ઇનિંગમાં માત્ર 9 રન બનાવ્યા હતા.

પૂજારાએ મેચના બીજા દિવસે આ રન બનાવ્યા હતા, પરંતુ ત્રીજા દિવસની રમત શરૂ થતાં જ તે ઈનિંગના બીજા જ બોલ પર આઉટ થઈ ગયો હતો. આ ઇનિંગમાં 9 રન બનાવીને આઉટ થતાની સાથે જ તેણે ટેસ્ટ ક્રિકેટમાં એક અનોખો વર્લ્ડ રેકોર્ડ પોતાના નામે કર્યો.

ચેતેશ્વર પૂજારાએ દક્ષિણ આફ્રિકા સામેની ત્રીજી ટેસ્ટની બીજી ઇનિંગમાં બીજા દિવસની રમત પૂરી થઈ ત્યાં સુધી 9 રન બનાવ્યા હતા. ત્રીજા દિવસે જ્યારે તે રમવા આવ્યો ત્યારે માત્ર બે બોલનો સામનો કરીને કેચ આઉટ થયો હતો. એટલે કે ત્રીજા દિવસે તે પોતાનો સ્કોર એક પણ રનથી વધારી શક્યો નહોતો. આ પછી, પૂજારા વિશ્વનો પહેલો બેટ્સમેન બની ગયો છે જે મેચના બીજા દિવસ પછી તેના ઓવરનાઈટ સ્કોરમાં એક પણ રન ઉમેરી શક્યો નથી. પૂજારાની ટેસ્ટ કારકિર્દીમાં આ 7મી વખત તેની સાથે આવું બન્યું હતું. પૂજારાએ ક્રિસ ક્રેન્સ અને જેક્સ કાલિસનો રેકોર્ડ તોડ્યો હતો, જેણે ટેસ્ટ ક્રિકેટમાં અગાઉ 6-6 વખત આવું કર્યું હતું.

ટેસ્ટ બેટ્સમેન જે બીજા દિવસે સૌથી વધુ વખત તેના ઓવરનાઈટ સ્કોરમાં એક પણ રન ઉમેરી શક્યો ન હતો-

7 વખત – ચેતેશ્વર પૂજારા

6 વખત – ક્રિસ ક્રેન્સ/જેક કાલિસ

5 વખત – ગ્રેહામ ગૂચ / માઈક આર્થર્ટન / રાહુલ દ્રવિડ / મિસ્બાહ-ઉલ-હક

દક્ષિણ આફ્રિકામાં ત્રણ મેચની ટેસ્ટ શ્રેણીની છ ઇનિંગ્સમાં પૂજારાનું પ્રદર્શન મિશ્ર રહ્યું હતું. તેણે એક વખત અડધી સદી ફટકારી હતી અને મોટા ભાગના પ્રસંગોમાં તે નિષ્ફળ રહ્યો હતો. તેણે દક્ષિણ આફ્રિકા સામે છ ઇનિંગ્સમાં 0,16, 3, 53, 43,9 રન બનાવ્યા હતા. પૂજારાએ ત્રણ મેચમાં 20.67ની એવરેજથી 124 રન બનાવ્યા જેમાં 22 ફોરનો સમાવેશ થાય છે.