શ્રીલંકાએ ઓસ્ટ્રેલિયા સામેની શાનદાર જીત સાથે બે ટેસ્ટ મેચની શ્રેણી 1-1થી સમાપ્ત કરી. પ્રથમ મેચમાં શરમજનક હાર બાદ યજમાન ટીમે ઇનિંગ્સની જીતનો બદલો લીધો હતો.
મેચના ચોથા દિવસે, શ્રીલંકાએ દિનેશ ચાંદીમલની રેકોર્ડ બેવડી સદીના આધારે પ્રથમ દાવમાં 554 રન બનાવીને ઓસ્ટ્રેલિયા પર 190 રનની મહત્ત્વપૂર્ણ લીડ મેળવી હતી. પ્રથમ દાવમાં 364 રન બનાવનાર ઓસ્ટ્રેલિયાની ટીમ બીજા દાવમાં માત્ર 151 રનમાં ઓલઆઉટ થઈ ગઈ હતી.
ટોસ જીતીને પ્રથમ બેટિંગ કરતા ઓસ્ટ્રેલિયાએ માર્નસ લાબુશેન અને સ્ટીવ સ્મિથની સદીઓની મદદથી 364 રન બનાવ્યા હતા. જવાબમાં, શ્રીલંકાએ પ્રથમ દાવમાં 190 રનની નિર્ણાયક લીડ લીધી હતી અને ચાંદીમલના અણનમ 206 રનની મદદથી 554 રન બનાવ્યા હતા. બીજા દાવમાં જયસૂર્યાની ઘાતક બોલિંગ સામે શ્રીલંકાની ડેબ્યૂ ટીમ માત્ર 151 રનમાં સમેટાઈ ગઈ હતી.
મેચમાં પદાર્પણ કરી રહેલા પ્રભાત જયસૂર્યાએ શાનદાર પ્રદર્શન કરતા કુલ 12 વિકેટ ઝડપી હતી. તેણે શાનદાર બોલિંગ કરતા પ્રથમ દાવમાં 5 અને બીજી ઇનિંગમાં 6 વિકેટ ઝડપી હતી. જયસૂર્યાની ઘાતક બોલિંગ સામે ઓસ્ટ્રેલિયાના મોટા બેટ્સમેનની બોલતી બંધ થઈ ગઈ. બીજા દાવમાં, તેણે માર્નસ લાબુશેનને 32 અને સ્ટીવ સ્મિથને શૂન્ય પર પાછા મોકલ્યા. કેમેરોન ગ્રીન અને મિચેલ સ્ટાર્કની વિકેટ પણ જયસૂર્યાના ખાતામાં ગઈ હતી. પ્રથમ દાવમાં 36 ઓવરમાં 118 રનમાં 6 વિકેટ લેનાર જયસૂર્યાએ બીજી ઇનિંગમાં 16 ઓવરમાં 59 રનમાં 6 બેટ્સમેનોને આઉટ કર્યા હતા.
ઓસ્ટ્રેલિયાએ પ્રથમ મેચ 10 વિકેટે જીતીને શ્રેણીમાં 1-0ની લીડ મેળવી હતી. શ્રીલંકાએ બીજી મેચમાં એક દાવ અને 39 રને વિજય નોંધાવીને સ્કોર બરાબરી કરી હતી. શ્રેણીમાં 1-1ની બરાબરી સાથે ટીમને વર્લ્ડ ટેસ્ટ ચેમ્પિયનશિપમાં પણ ફાયદો થયો હતો.