ભારત સામે એક ઇનિંગમાં 10 વિકેટ લેનાર એજાઝ પટેલ બન્યો ‘ICC પ્લેયર ઓફ ધ મંથ’

ઇન્ટરનેશનલ ક્રિકેટ કાઉન્સિલ (ICC) એ સોમવારે ડિસેમ્બર મહિના માટે સર્વશ્રેષ્ઠ ખેલાડીની જાહેરાત કરી. ICC એ એજાઝ પટેલની ડિસેમ્બર 2021 માટે ICC મેન્સ પ્લેયર ઓફ ધ મંથ એવોર્ડના વિજેતા તરીકે પસંદગી કરી છે.

ન્યૂઝીલેન્ડના એજાઝ પટેલે ડિસેમ્બરમાં વાનખેડે ખાતે ભારત સામેની ઇનિંગ્સમાં 10 વિકેટ લઈને ઈતિહાસ રચ્યો હતો. ન્યુઝીલેન્ડના સ્પિનર ​​એજાઝ પટેલ જિમ લેકર અને અનિલ કુંબલે પછી ટેસ્ટમાં આ સિદ્ધિ મેળવનાર ત્રીજા ખેલાડી બન્યા છે.

મુંબઈમાં જન્મેલા એજાઝ પટેલે ભારત સામે પ્રથમ દાવમાં તમામ 10 અને બીજી ઈનિંગમાં ચાર વિકેટ લીધી, જેમાં ઓપનર મયંક અગ્રવાલ અને ચેતેશ્વર પૂજારાનો સમાવેશ થાય છે. પટેલે મેચમાં 225 રન આપીને 14 વિકેટ ઝડપી હતી, જે 2021માં ટેસ્ટ મેચમાં શ્રેષ્ઠ બોલિંગ ફિગર છે.

ઈજાઝ ઉપરાંત ભારતીય ઓપનર મયંક અગ્રવાલ અને એશિઝ સિરીઝ રમી રહેલા ઓસ્ટ્રેલિયન બોલર મિચેલ સ્ટાર્કને પણ આઈસીસી પ્લેયર ઓફ ધ મન્થ જાહેર કરવામાં આવ્યો હતો.

પટેલના પ્રદર્શન પર ટિપ્પણી કરતા, ICC વોટિંગ એકેડમીના સભ્ય જેપી ડ્યુમિનીએ કહ્યું, “કેટલી ઐતિહાસિક સિદ્ધિ! એક ઇનિંગમાં 10 વિકેટ લેવી એ એક સિદ્ધિ છે જેની ઉજવણી કરવી જોઈએ. એમાં કોઈ શંકા નથી કે ઈજાઝનું પ્રદર્શન એક મહાન સિદ્ધિ છે.”