ઓલી પોપ, જો રૂટ, હેરી બ્રુકની શાનદાર બેટિંગ અને ત્યારબાદ ક્રિસ વોક્સ અને શોએબ બશીરની ઘાતક બોલિંગના આધારે ઈંગ્લેન્ડે બીજી ટેસ્ટ મેચમાં વેસ્ટ ઈન્ડિઝને 241 રનથી હરાવ્યું અને ત્રણ મેચમાં 2-0ની અજેય સરસાઈ મેળવી.
385 રનના ટાર્ગેટનો પીછો કરતી વખતે વેસ્ટ ઈન્ડિઝના કેપ્ટન ક્રેગ બ્રેથવેઈટ અને માઈકલ લુઈસની ઓપનિંગ જોડીએ શાનદાર શરૂઆત કરી હતી અને પ્રથમ વિકેટ માટે 66 રનની ભાગીદારી કરી હતી. પરંતુ આ પછી વેસ્ટ ઈન્ડિઝનો કોઈ બેટ્સમેન ક્રિઝ પર ટકી શક્યો નહોતો. શોએબ બશીર અને ક્રિસ વોક્સની ઘાતક બોલિંગ સામે વેસ્ટ ઈન્ડિઝની આખી ટીમ 36.1ના સ્કોર પર માત્ર 143 રનમાં જ સમેટાઈ ગઈ હતી.
શોએબ બશીરે 41 રન આપીને પાંચ વિકેટ લીધી, ક્રિસ વોક્સે 28 રનમાં બે વિકેટ, ગુસ એટકિન્સને 49 રનમાં બે અને માર્ક વૂડે 17 રનમાં એક વિકેટ લીધી હતી. ઈંગ્લેન્ડ માટે પ્રથમ દાવમાં 121 રન અને બીજી ઈનિંગમાં 51 રન બનાવનાર ઓલી પોપને પ્લેયર ઓફ ધ મેચનો એવોર્ડ આપવામાં આવ્યો હતો.
1️⃣7️⃣2️⃣ runs in the Test!
Congratulations on winning POTM, Ollie Pope 🍾 pic.twitter.com/0XgybiTIec
— England Cricket (@englandcricket) July 21, 2024