2007 માં સાઉથ આફ્રિકાની ટીમ પાકિસ્તાનના ઘરે રમી હતી…
પાકિસ્તાન અને દક્ષિણ આફ્રિકા વચ્ચે બે ટેસ્ટ મેચની શ્રેણીની પ્રથમ મેચ કરાચીમાં રમાઇ રહી છે. આ મેચમાં પાકિસ્તાનના ડાબોડી બેટ્સમેન ફવાદ આલમે તેની ટેસ્ટ કારકિર્દીની ત્રીજી સદી ફટકારી છે. જ્યારે ફવાદ 94 રન બનાવીને બેટિંગ કરી રહ્યો હતો, ત્યારે તેણે મહારાજની બોલ પર સિક્સર ફટકારીને પોતાની સદી પૂરી કરી. પાકિસ્તાન ટેસ્ટ ટીમમાં વાપસી કર્યા બાદ ફવાદની આ બીજી સદી છે. તેણે ડિસેમ્બરમાં ન્યૂઝીલેન્ડ સામે સદી પણ ફટકારી હતી.
તમને જણાવી દઈએ કે 2009 માં ન્યૂઝીલેન્ડ સામે ટેસ્ટ મેચ રમ્યા બાદ તેને બહારનો રસ્તો બતાવવામાં આવ્યો હતો. ઘરેલું ક્રિકેટમાં સતત પ્રદર્શન કર્યા બાદ તેણે 10 વર્ષ 259 દિવસ અને 88 મેચ બાદ પાકિસ્તાન ટેસ્ટ ટીમમાં પોતાનું સ્થાન બનાવ્યું હતું. પાછા ફર્યા બાદ તે ઈંગ્લેન્ડ અને ન્યુઝીલેન્ડ સામે ટેસ્ટ સિરીઝ રમ્યો હતો. તે હવે દક્ષિણ આફ્રિકા સામે તેના ઘરે જ શ્રેણી રમી રહ્યો છે.
આ સદીની સાથે ફવાદ આલમે પણ રેકોર્ડ બનાવ્યો છે. તે પોતાની પ્રથમ ત્રણ અર્ધી સદીને સદીમાં ફેરવનારો પાકિસ્તાનનો પહેલો ખેલાડી બની ગયો છે. આ સદીઓ ઉપરાંત ફાવદનો ટેસ્ટ ક્રિકેટમાં સૌથી વધુ 29 રન છે.
2007 માં સાઉથ આફ્રિકાની ટીમ પાકિસ્તાનના ઘરે રમી હતી. હવે 13 વર્ષ પછી તેમણે આ દેશની મુલાકાત લીધી.