2006 પછી વિદેશી ધરતી પર આપણી સૌથી મોટી હારની નજીક દેખાય રહી છે…
પાકિસ્તાનના ભૂતપૂર્વ ફાસ્ટ બોલર શોએબ અખ્તરે ઇંગ્લેન્ડ સામે રમાયેલી ત્રીજી ટેસ્ટ મેચમાં તેમની ટીમના પ્રદર્શનની આકરી ટીકા કરી છે. સાઉધમ્પ્ટનની એજેસ બાઉલમાં રમાઈ રહેલી ત્રીજી ટેસ્ટ મેચના પહેલા દિવસે પાકિસ્તાને બે સત્રમાં નિયંત્રણ મેળવ્યું હતું, પરંતુ તે પછી મેચ તેમના હાથમાં નહોતી અને ઇંગ્લેન્ડે આઠ વિકેટના નુકસાન પર 583 રનમાં પોતાની ઇનિંગ્સ ઘોષિત કરી અને પાકિસ્તાનને બેકફૂટ પર ધકેલી દીધું હતું.
જેક ક્રોલી (267) અને જોસ બટલર (152) વચ્ચે 359 રનની ભાગીદારીએ ઇંગ્લેન્ડ પહોંચવામાં મહત્વની ભૂમિકા નિભાવી. અખ્તરે તેની યુટ્યુબ ચેનલ પર કહ્યું, “મેં ઝડપી બોલરોની ગતિ જોઇ છે, તેમને વિકેટ લેવાની ભૂખ છે. મને નથી ખબર કે પાકિસ્તાનના હાલના બોલરો શું શીખવાડે છે. કોઈ પ્રક્રિયા નથી, નસીમ શાહ સમાન છે તે સ્થાન સતત બોલિંગ કરતો રહ્યો છે, ધીમું બોલ નહીં, બાઉન્સર્સ નહીં.”
તેમણે કહ્યું કે, “હું સમજી શકતો નથી કે શા માટે બોલરોમાં આક્રમકતાનો અભાવ છે, અમે નેટ બોલર નથી, તે ટેસ્ટ બોલર છે.” તેમણે કહ્યું, “અમારા બોલરો સમજી શકતા નથી કે તમારી માનસિકતા સાચી નહીં થાય ત્યાં સુધી સફળતા પ્રાપ્ત થશે નહીં. પાકિસ્તાન એક સામાન્ય ટીમ લાગે છે. તેઓ જે રીતે રમી રહ્યા છે, અમે 2006 પછી વિદેશી ધરતી પર આપણી સૌથી મોટી હારની નજીક દેખાય રહી છે.
એક ટવીટમાં અખ્તરે કહ્યું કે દિવસના અંતે નાઈટ વોચમેન મોકલવાને બદલે તેણે બાબર આઝમને મોકલવાના નિર્ણય પર પણ સવાલ ઉઠાવ્યા છે. જેમ્સ એન્ડ્રસે બાબરને આઉટ કરીને પાકિસ્તાનને ત્રીજો ફટકો આપ્યો હતો.
અખ્તરે કહ્યું, “આ પાકિસ્તાનની ટીમનું નબળું પ્રદર્શન છે. મને ખૂબ આશા છે કે અમારી ટીમ આ શ્રેણીમાં સારુ પ્રદર્શન કરશે. પાકિસ્તાન એક ક્લબની ટીમ જેવું લાગે છે. ક્રોલી 300 રન તરફ જઇ રહ્યો હતો પરંતુ તે આઉટ થયો હતો.”