ભારત અને ઓસ્ટ્રેલિયા વચ્ચે આગામી બોર્ડર ગાવસ્કર ટેસ્ટ શ્રેણીમાં ઘણું બધું દાવ પર લાગેલું છે. ભારત માટે આ વર્લ્ડ ટેસ્ટ ચેમ્પિયનશિપની ફાઇનલમાં પહોંચવાની ટિકિટ હશે.
ઋષભ પંત અને જસપ્રિત બુમરાહની સેવાઓ ગુમાવવાથી ઘણા લોકો માને છે કે ઓસ્ટ્રેલિયા માટે આ શ્રેષ્ઠ તક છે. શું સ્ટીવ સ્મિથ અને માર્નસ લેબુશેન રવિચંદ્રન અશ્વિન સાથે ડીલ કરી શકે છે? શું વિરાટ કોહલી ફરી એકવાર ઓસ્ટ્રેલિયા સામે પોતાનું સર્વશ્રેષ્ઠ પ્રદર્શન કરી શકશે? ઓસ્ટ્રેલિયાના ભૂતપૂર્વ કેપ્ટન અને ભારતના ભૂતપૂર્વ મુખ્ય કોચ ગ્રેગ ચેપલનું માનવું છે કે ભારતની સફળતાની ચાવી વિરાટ કોહલી પાસે છે.
ઓસ્ટ્રેલિયાના દિગ્ગજ ક્રિકેટર ગ્રેગ ચેપલે કહ્યું, ‘વિરાટ ઘણો સારો ખેલાડી છે. શ્રેષ્ઠ પૈકી એક. શ્રેષ્ઠ ખેલાડીઓ હંમેશા મોટી શ્રેણીમાં સારો દેખાવ કરવા માંગે છે. વિરાટના કિસ્સામાં, જો તમે જુઓ તો તે હંમેશા ઓસ્ટ્રેલિયા સામે જીતવા માંગે છે અને તેણે ઓસ્ટ્રેલિયા સામે તેની કેટલીક શ્રેષ્ઠ ઇનિંગ્સ રમી છે. ‘તે ઓસ્ટ્રેલિયાને પોતાનો સૌથી મોટો પડકાર માને છે અને હંમેશા ઓસ્ટ્રેલિયા સામે પોતાનું સર્વશ્રેષ્ઠ આપવા માટે દબાણ કરે છે. આ સિરીઝમાં તેની મોટી અસર પડશે.
તેણે કહ્યું, જો વિરાટ મોટા રન બનાવશે તો ઓસ્ટ્રેલિયા માટે આ સીરીઝ જીતવી ઘણી મુશ્કેલ હશે. બીજી તરફ જો ઓસ્ટ્રેલિયન બોલરો વિરાટને મોટો સ્કોર કરતા રોકવામાં સફળ રહેશે તો ઓસ્ટ્રેલિયા પાસે જીતવાની ઘણી સારી તક હશે. ટૂંકમાં, વિરાટની બેટિંગની શ્રેણી પર ભારે અસર પડશે.