ઈંગ્લેન્ડ ક્રિકેટ ટીમનો યુવા બેટ્સમેન હેરી બ્રુક તેની ટૂંકી ટેસ્ટ ક્રિકેટ કારકિર્દીમાં પોતાની ટીમ માટે ખાસ બની ગયો છે. સમાચાર લખાય છે ત્યાં સુધી બ્રુકે ઈંગ્લેન્ડ માટે કુલ 11* ટેસ્ટ મેચ રમી છે.
આ દરમિયાન તેના બેટમાંથી 18 ઇનિંગ્સમાં 64.06ના સ્ટ્રાઇક રેટથી 1089 રન થયા છે. ટેસ્ટ ક્રિકેટમાં બ્રુકના નામે ચાર સદી અને છ અર્ધસદી છે.
હેરી બ્રુક ટેસ્ટ ક્રિકેટમાં 18 ઈનિંગ્સ પછી સૌથી વધુ રન બનાવનાર ઈંગ્લેન્ડનો પ્રથમ બેટ્સમેન બની ગયો છે. 24 વર્ષીય બેટ્સમેને તેની 18 ટેસ્ટ ઇનિંગ્સમાં 1089 રન બનાવ્યા છે. તેના પછી પૂર્વ કેપ્ટન એન્ડ્ર્યુ સ્ટ્રોસનું નામ આવે છે. આ દરમિયાન સ્ટ્રોસે 971 રન બનાવ્યા હતા.
18 ટેસ્ટ ઇનિંગ્સ પછી ઇંગ્લેન્ડ માટે સૌથી વધુ રન બનાવનાર ટોચના 12 બેટ્સમેન:
હેરી બ્રુક – 1089
એન્ડ્રુ સ્ટ્રોસ – 971
એલિસ્ટર કૂક – 815
જોનાથન ટ્રોટ – 815
કેવિન પીટરસન – 776
હેરી બ્રુકના આંતરરાષ્ટ્રીય ક્રિકેટ કરિયરની વાત કરીએ તો, તેણે અત્યાર સુધી ઈંગ્લિશ ટીમ માટે કુલ 34 મેચ રમી છે. આ દરમિયાન 38 ઇનિંગ્સમાં તેના બેટમાંથી 1547 રન નીકળી ચૂક્યા છે. બ્રુકના ટેસ્ટ ક્રિકેટમાં 1089 રન, વનડેમાં 86 અને T20 આંતરરાષ્ટ્રીય ક્રિકેટમાં 372 રન છે.