ન્યુઝીલેન્ડના સર્વશ્રેષ્ઠ બેટ્સમેનોમાંના એક ડેરીલ મિશેલ 792 રેટિંગ સાથે સાતમા નંબર પર છે. તે જ સમયે, ઉસ્માન ખ્વાજા હવે સીધો આઠમાં નંબર પર સરકી ગયો છે. તેની રેટિંગ વધીને 788 થઈ ગઈ છે. શ્રીલંકાના ટેસ્ટ કેપ્ટન દમુથ કરુણારત્ને 759 રેટિંગ સાથે નવમા નંબર પર યથાવત છે. કેપ્ટન રોહિત શર્મા ટોપ 10માં પોતાનું સ્થાન જાળવી રાખવામાં સફળ રહ્યો છે. તેની સ્થિતિ પહેલા જેવી જ છે, પરંતુ ફરક માત્ર એટલો છે કે તેનું રેટિંગ વધ્યું છે. વેસ્ટ ઈન્ડિઝ સામે શાનદાર બેટ્સમેનના કારણે તેનું રેટિંગ હવે વધીને 759 થઈ ગયું છે.
કોહલીનું રેટિંગ હવે 733 છે. જો કે, લાંબા સમયથી ટોપ 10માં રહેલા ઋષભ પંત પહેલા 11મા નંબર પર ગયો અને પછી સીધો 12મા નંબર પર ગયો. દરમિયાન, પ્રથમ બે ટેસ્ટમાં શાનદાર બેટિંગ કરનાર યશસ્વી જયસ્વાલને જબરદસ્ત ફાયદો મળ્યો છે. ગયા અઠવાડિયે તેનું રેટિંગ 420 હતું, જે હવે વધીને 466 થઈ ગયું છે. બંનેએ મળીને 11 સ્થાનની છલાંગ લગાવી છે. હવે તે 63મા સ્થાને પહોંચવામાં સફળ થયો છે.