BCCIની શરત પૂરી થતાં જ અર્શદીપ સિંહ ઓસ્ટ્રેલિયામાં BGT રમશે!

ભારતીય ટીમના યુવા ગન બોલર અર્શદીપ સિંહે T20 વર્લ્ડ કપ 2024માં ધૂમ મચાવીને પોતાની અલગ ઓળખ બનાવી છે. આઈસીસીની આ મોટી ટૂર્નામેન્ટમાં તેણે 8 મેચમાં 17 વિકેટ ઝડપી હતી, જે સંયુક્ત સર્વોચ્ચ વિકેટ હતી. અર્શદીપના શાનદાર પ્રદર્શન બાદ તેને ટૂંક સમયમાં ટેસ્ટમાં પદાર્પણ કરવાની તક મળી શકે છે.

ભારતીય ટીમના પસંદગીકારો અર્શદીપ સિંહને ટેસ્ટ ટીમમાં સામેલ કરવા પર વિચાર કરી રહ્યા છે અને તેને આ વર્ષે નવેમ્બર મહિનામાં ઓસ્ટ્રેલિયા સામે યોજાનારી બોર્ડર-ગાવસ્કર ટ્રોફી માટે ટીમમાં સામેલ કરવામાં આવી શકે છે.

‘અર્શદીપે સફેદ બોલના ફોર્મેટમાં ભારત માટે પ્રભાવશાળી પ્રદર્શન કર્યું છે. ઓસ્ટ્રેલિયા પ્રવાસ માટે તેની પસંદગીની તકો વધારવા માટે તેને 5 સપ્ટેમ્બરથી શરૂ થનારી દુલીપ ટ્રોફીની કેટલીક લાલ બોલની મેચો રમવા માટે કહેવામાં આવી શકે છે. ઓસ્ટ્રેલિયામાં જસપ્રીત બુમરાહની સાથે તે ભારત માટે ટ્રમ્પ કાર્ડ સાબિત થાય તેવી પૂરી સંભાવના છે.

આટલું જ નહીં, મીડિયા રિપોર્ટ્સ અનુસાર, ભારતીય પસંદગીકારો બોર્ડર-ગાવસ્કર ટ્રોફી માટે ઓછામાં ઓછા એક ડાબોડી બોલરને ટીમમાં રાખવા માંગે છે. આ જ કારણ છે કે તાજેતરમાં જ લેફ્ટ આર્મ ફાસ્ટ બોલર ખલીલ અહેમદને ઝિમ્બાબ્વે પ્રવાસ માટે ટીમમાં પસંદ કરવામાં આવ્યો હતો.

એકંદરે એ સ્પષ્ટ થઈ રહ્યું છે કે જો અર્શદીપ સિંહ દુલીપ ટ્રોફીમાં રમીને લાલ બોલથી પોતાનો જાદુ દેખાડવામાં સફળ રહેશે તો તે ઓસ્ટ્રેલિયા સામે બોર્ડર ગાવસ્કર ટ્રોફી રમશે અને ટેસ્ટમાં પદાર્પણ કરશે તે લગભગ નિશ્ચિત છે. એ પણ જાણી લો કે આ યુવા ગન બોલરે ભારત માટે 6 ODI અને 52 T20 મેચ રમી છે.