ઇંગ્લેન્ડના અનુભવી ફાસ્ટ બોલર જેમ્સ એન્ડરસનનું કહેવું છે કે તે પાંચમી એશિઝ ટેસ્ટ પછી તેને છોડી દેવા માંગતો નથી કારણ કે તેની પાસે તેની ટીમને હજુ ઘણુ ઓફર કરવાનું બાકી છે. ઈંગ્લેન્ડ માટે સૌથી વધુ વિકેટ લેનાર એન્ડરસન રવિવારે 41 વર્ષનો થઈ જશે.
તેણે આ એશિઝ સિરીઝમાં માત્ર પાંચ વિકેટ લીધી છે પરંતુ માને છે કે તેણે ખરાબ બોલિંગ નથી કરી. તેણે બીબીસીને કહ્યું, “મને નથી લાગતું કે મેં ખરાબ બોલિંગ કરી અથવા મારી ગતિ ગુમાવી. મને હજુ પણ લાગે છે કે હું આ ટીમને ઘણું બધું આપી શકું છું.”
તેણે કહ્યું, “જ્યાં સુધી નિવૃત્તિનો સવાલ છે, હું તેને જલ્દીથી લેવાનો નથી. હું હવે ઘણું બધું આપી શકું છું. તમે પ્રાર્થના કરો કે ખરાબ સમય મોટી શ્રેણીમાં ન આવે પણ મારી સાથે આવું થઈ રહ્યું છે. મારી પાસે ટીમ માટે કંઈક કરવાની વધુ એક તક છે. મેં આજે સારી બોલિંગ કરી છે અને આવતીકાલે કેટલીક વિકેટો લઈ શકીશ.”
એશિઝ શ્રેણી બાદ હવે ઈંગ્લેન્ડને જાન્યુઆરીમાં ભારતમાં રમવાનું છે અને એન્ડરસનને આશા છે કે તે ત્યાં સુધી રમશે. તેણે કહ્યું, “જ્યારે કોઈ બોલર 30 પાર કરે છે, ત્યારે લોકો પૂછવા લાગે છે કે કેટલો સમય બાકી છે. પરંતુ છેલ્લા ત્રણ-ચાર વર્ષમાં મેં સારી બોલિંગ કરી છે. હું ફિટ છું અને સારું રમી રહ્યો છું.”