જસપ્રીત બુમરાહને હવે ઈંગ્લેન્ડ સામેની ટેસ્ટ શ્રેણીમાં સૌથી વધુ વિકેટ લેનાર ભારતીય ઝડપી બોલરનો ખિતાબ મળી ગયો છે. જેવી જ બુમરાહે એજબેસ્ટન ટેસ્ટના ચોથા દિવસે ઓલી પોપને આઉટ કર્યો, તેણે આ મામલે કપિલ દેવને પાછળ છોડી દીધો.
2021માં શરૂ થયેલી પાંચ મેચોની ટેસ્ટ શ્રેણીની છેલ્લી ટેસ્ટ એજબેસ્ટન ખાતે રમાઈ રહી છે. પોપના આઉટ થતાની સાથે જ બુમરાહે આ સિરીઝમાં કુલ 23 વિકેટ ઝડપી હતી.
આ પહેલા કપિલ દેવ ઈંગ્લેન્ડ સામેની ટેસ્ટ શ્રેણીમાં ભારત માટે સૌથી વધુ વિકેટ ઝડપનાર બોલર હતા. કપિલ દેવે 1981-82માં ઘરઆંગણે ટેસ્ટ શ્રેણીમાં ઈંગ્લેન્ડ માટે 22 વિકેટ લીધી હતી. આ મામલામાં ત્રીજા નંબર પર ભુવનેશ્વર કુમાર છે, જેણે 2014માં ઈંગ્લેન્ડમાં રમાયેલી શ્રેણીમાં 19 વિકેટ ઝડપી હતી.
બુમરાહે પ્રથમ દાવમાં ત્રણ વિકેટ લીધી હતી જ્યારે બીજી ઈનિંગમાં તેણે બે વિકેટ ઝડપી હતી. બુમરાહે આ મેચની બીજી ઇનિંગમાં પહેલી વિકેટ લેતાની સાથે જ સેના (દક્ષિણ આફ્રિકા, ઇંગ્લેન્ડ, ન્યુઝીલેન્ડ, ઓસ્ટ્રેલિયા)માં 100 વિકેટનો આંકડો પણ સ્પર્શી લીધો હતો. બુમરાહ ભારત માટે આવું કરનાર માત્ર છઠ્ઠો બોલર છે. તેના પહેલા માત્ર અનિલ કુંબલે, ઈશાંત શર્મા, ઝહીર ખાન, મોહમ્મદ શમી અને કપિલ દેવ જ આ કરી શક્યા છે.