જો રૂટે સદી ફટકારી ઈતિહાસ રચ્યો! આ મામલે સ્મિથ-લિયમસનને પછાડ્યા

દુબઈમાં રમાઈ રહેલી ત્રણ મેચની ટેસ્ટ શ્રેણીની બીજી મેચમાં ઈંગ્લેન્ડના દિગ્ગજ બેટ્સમેન જો રૂટે પ્રથમ દાવમાં શ્રીલંકા સામે સદી ફટકારી હતી. રૂટે તેની 33મી ટેસ્ટ સદી ફટકારી અને ઈંગ્લેન્ડ માટે સૌથી વધુ ટેસ્ટ સદી ફટકારનાર એલિસ્ટર કૂકની બરાબરી કરી.

રૂટ જે પ્રકારનું સાતત્ય દર્શાવે છે તે પ્રશંસનીય છે. બીજી ટેસ્ટ મેચમાં શ્રીલંકાના કેપ્ટન ધનંજય ડી સિલ્વાએ ટોસ જીતીને પ્રથમ બોલિંગ કરવાનો નિર્ણય કર્યો હતો.

33 વર્ષીય રૂટે શ્રીલંકા સામે આંતરરાષ્ટ્રીય ક્રિકેટમાં તેની 49મી સદી ફટકારીને પોતાનું શાનદાર ફોર્મ ચાલુ રાખ્યું હતું. તેણે સૌથી વધુ આંતરરાષ્ટ્રીય સદી ફટકારવાના મામલે ભારતીય કેપ્ટન રોહિત શર્માને પાછળ છોડી દીધો છે. રુટે સક્રિય ક્રિકેટરોમાં ટેસ્ટમાં સૌથી વધુ સદી ફટકારવા માટે સ્ટીવ સ્મિથ અને કેન વિલિયમસનની 32 ટેસ્ટ સદીઓની સંખ્યાને પણ વટાવી દીધી છે. આ સિવાય તેણે લોર્ડ્સમાં સૌથી વધુ સદી ફટકારવાના મામલે ગ્રેહામ ગૂચ અને માઈકલ વોનની બરાબરી કરી લીધી છે.

સક્રિય ક્રિકેટરોમાં સૌથી વધુ ટેસ્ટ સદી:

– જો રૂટ – 264 ઇનિંગ્સમાં 33 સદી
– કેન વિલિયમસન – 176 ઇનિંગ્સમાં 32 સદી
– સ્ટીવ સ્મિથ – 195 ઇનિંગ્સમાં 32 સદી
– વિરાટ કોહલી – 191 ઇનિંગ્સમાં 29 સદી
– ચેતેશ્વર પૂજારા – 171 ઇનિંગ્સમાં 19 સદી

ઈંગ્લેન્ડ માટે સૌથી વધુ ટેસ્ટ સદી ફટકારનાર બેટ્સમેન:

33- એલિસ્ટર કૂક
33 – જૉ રૂટ
23 – કેવિન પીટરસન
22 – વેલી હેમન્ડ
22 – કોલિન કાઉડ્રે